Charter Document - 02900643

Anno gracie mcclxxxiij in festo Sancti Michaelis convenit inter venerabilem patrem dominum Robertum Dei gracia Bathon et Wellen episcopum ex parte una et dominum Johannem eadem gracia abbatem Glaston ex parte altera quod idem abbas concessit et dimisit predicto episcopo et successoribus suis Bathon et Wellen episcopis omnia prata sua pasturas et pascua que habent in dominicis suis ex parte orientali cursus aque que ducit de Lynacra usque Bledeneye et in recompensacionem istorum pratorum pasturarum et pascuorum concessit episcopi pro se et successoribus suis Bathon et Wellen episcopis abbati et conventui Glaston et eorum successoribus quod habeant in Godenedyemor in loco competenti iuxta eos tantumdem separatum quantum dictus episcopus per composicionem istam retinet penes se in parte orientali cursus aque predicte et cum istud separatum habuerint convenit inter partes predictas quod residuum tocius more de Godeneye[] dividatur inter memoratos episcopum et abbatem Glaston ita quod abbas habeat in longitudine illius divise in parte propinquiori eiusdem j perticatam de mora illa ex transverso versus eum ultra porcionem dictum episcopum et successores suos contingentem Convenit eciam inter partes predictas quod ista divisa fiat iuxta eandem perticatam de communi terra ipsorum episcopi et abbatis et post eandem divisam factam residuum episcopo eidem remaneat et nec episcopus aut aliquis de homagio episcopi hominum ipsius episcopi aut villanorum de cetero communam pasture habeat in parte dictorum abbatis et conventus nec predictus abbas et conventus vel successores sui vel homines eorum liberi aut villani communam habeant in parte dicti episcopi que penes ipsum remanet per composicionem istam sed partes ipsius more ut premittitur sic divise proprie et specialiter seperate hinc inde ita quod nullus de feodo alterius partem alterius intrabit racione commune habend unde prenotati episcopus atque abbas fideliter procurabunt quod illi qui tenent de feodis illorum et in illa mora communam habere solebant per literas suas pro se et heredibus suis communam huiusmodi hinc inde dimittant in perpetuum vel alias de indempnitate ipsorum episcopi et abbatis et conventus et successorum utriusque partis fideliter providebitur de communi parcium ipsarum assensu proviso quod in nullo preiudicetur libertatibus xij hydarum Glaston per factum predictum nec episcopus supradictus vel eius successores in aliquo subsint prefatis abbati et conventui vel eorum successoribus nec pars abbatis et conventus episcopo vel suis successoribus Hac de causa dictus vero episcopus procurabit confirmanciam domini regis et aliam securitatem ad hoc necessariam in curia regis vel alibi predictis episcopo et successoribus suis aut abbati et conventui prout maior securitas eis in perpetuum poterit preparari et cum hec particio facta fuerit confirmabitur per capitula utriusque partis et si dicta capitula ad huiusmodi confirmacionem consentire noluerint remaneat eadem mora in statu quo prius ita quod illa particio nullius sit momenti nec ullum capiat effectum In cuius rei testimonium partes predicte partitis hiis instrumentis in modum cirography confectis alternatim sigilla sua apposuerunt Dat die et anno supradictis