Charter Document - 02890985

Hec est finalis concordia facta in curia Domini Regis apud Eboracum in crastino sancte Trinitatis anno regni Regis Henrici filii Regis Johannis quadraginta primo coram Johanne abbate de Burgo sancti Petri Rogero de Thurkelby Petro de Percy Nicholao de Handlo et Johanne de Wyvil[] Justiciariis Itinerantibus et aliis Domini Regis fidelibus tunc ibi presentibus inter Hugonem Ffrater[] de Roderham querentem et Galfridum abbatem de Rughford[] deferentem per fratrem Walterum de Barton[] monachum suum ponitum loco suo ad lucrandum vel perdendum de quarta parte trium molendinorum cum pertinenciis in Roderham unde placito conventionis factum fuit inter eos in eadem curia scilicet quod predictus Hugo recognovit predictam quartam partem predictorum molendinorum cum sectis et omnibus aliis pertinenciis suis esse jus ipsius abbatis et ecclesie sue de Rughford[] ut illam quam idem abbas et ecclesia sua predicta habent de dono predicti Hugonis habend et tenend eidem abbati et successoribus suis et ecclesie sue predicte de predicto Hugone et heredibus suis in liberam et perpetuam elemosinam imperpetuum reddendo inde per annum centum solidos ad duos terminos scilicet medietatem ad festum sancti Martini in hyeme et alteram medietatem ad Pentecosten pro omni servicio secta curie consuetudine et exactione ita scilicet quod si predicta molendina per defectum ipsius abbatis vel successorum suorum deciderunt vel per inundationem aque vel alio quocumque casu depereant nichilominus idem abbas et successores sui reddent singulis annis predicto Hugone et heredibus suis predictum redditum sicut predictum est imperpetuum Et predictus Hugo et heredes sui warantizabunt acquietabunt et defendent predicto abbati et successoribus suis et ecclesie sue predicte predictam quartam parte predictorum molendinorum cum omnibus pertinenciis suis sicut predictum est per predictum servicium contra omnes homines ut liberam et perpetuam elemosinam imperpetuum Et si ita contingat quod predictus abbas vel successores sui defecerint in solucione predictorum centum solidorum per annum ad aliquem terminum bene licebit predicto Hugone et heredibus suis distringere predictum abbatem et successores suos per omnia catalla sua in predictis molendinis et in omnibus tenementis de ipsius abbatis et successorum suorum in predicta villa inventa usque ad plenariam solucionem denariorum qui arretro fuerint de illo termino Et preterea idem Hugo concessit pro se et heredibus suis quantum ad ipsos pertinet quod omnes tenentes sui de predicta villa qui sectam debent ad predicta molendina faciant eidem abbati et successoribus suis et ecclesie sue predicte auxilium ad stagna eorumdem molendinorum facienda reparanda et sustinenda sicut prius facere solebant et non licebit predicto Hugone vel heredibus suis decetero aliquod molendinum aquaticum vel ad ventum vel ad equos nec aliquod aliud molendinum in predicta villa facere per quod predictus abbas vel successores sui sectam ad predicta molendina pertinentem amittant Et preterea idem Hugo remisit et quietum clamavit de se et heredibus suis predicto abbati et successoribus suis et ecclesie sue predicte totum jus et clamium quod habuit in bosco ipsius abbatis et successorum suorum in eadem villa qui vocatur Estwode ita quod nec estoveria nec communam pasturem vel pannagium nec aliquid aliud in eodem bosco exigere vel habere possint imperpetuum Et idem abbas recepit predictum Hugonem et heredes suos in singulis beneficiis et orationibus que decetero fient in ecclesia sua predicta imperpetuum