Charter Document - 02880794

Hec est conventio facta ad festum sancti Michaelis Archangeli anno regni Regis Edwardi tricesimo inter abbatem et conventum de Rufford[] ex parte una et fratrem Willelmum de Tothale priorem et fratres Hospitalis sancti Johannis Jerusalem in Anglia ex parte altera de averiis ipsius abbatis captis et detentis in communa pasture ipsius abbatis in Manneshaghe ut dicitur et unde placitum fuit inter eosdem in curia Domini Regis apud Ebor[] videlicet quod prior et fratres predicti Hospitalis pro se et successoribus suis concesserunt et recognoverunt dictis abbati et conventui et eorum successoribus in perpetuum communam pasture cum omnibus pertinentiis suis per totum annum esse pertinentem ad novam grangiam suam de Eykeringe cum omnibus averiis et animalibus ad dictam novam grangiam pertinentibus tam tempore glandis quam alii temporibus videlicet usque ad Briggegatecros extendendo ad Hatherthime ex parte australi et ad Northerhagnok ex parte boriali per viam que ducit ad Mapelbek Et predicti abbas et conventus concesserunt et recognoverunt pro se et successoribus suis quod predicti prior et fratres dicte domus Hospitalis et eorum successores ac eorum homines de Winkeburne in perpetuum habeant communam pasture cum omnibus pertinentiis in villa de Eykeringe per totum annum pertinentem ad manerium de Winkeburn[] cum omnibus averiis et animalibus ad dictum manerium pertinentibus tam tempore glandis quam aliis temporibus videlicet usque ad scalare ecclesie de Eykeringe extendendo usque ad Spennygcros ex parte australi per viam que ducit apud Suwell et usque ad Knesalebek ex parte boriali In cuius rei testimonium huic scripto indentato sigilla utriusque capituli alternatim sunt appensa Hiis testibus Domino Johanne Burdoun Domino Willelmo de Colewik Domino Johanne de Annesleye Domino Johanne de Lyseaux militibus Nicholao de Widmerpol[] Johanne de Kyruesale Johanne Le Botiler de Hokerton[] et aliis