Charter Document - 02870175
| Charter Number: | 02870175 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1312 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus [] dilectis filii domino Ricardo de Hennay canonico ecclesie nostre Rypon et ejusdem loci capitulo salutem [] Quamvis sacris sit canonibus interdictum laicis ac mulieribus eciam religiosie ne inter capellane et clerice divino ministerio deputate in choro vel circa altare stare aut sedere presumant dum divina officia celebrantur ex quorundam tamen insinuacione accepimus admirantes quod in ecclesia nostra Rypon dum ipsius ministri divine vacare deberent officiis laici cujuscunque condicionis passim et indistincte in stallis et alibi in choro ipsius ecclesie stando et sedendo inter clericos se immiscent ex quo ministrancium devocio sepe minuitur divinum obsequium impeditur et nonnulle quandoque insolentie committuntur que nequaquam ecclesiastice conveniunt honestati quocirca vobis in virtute obediencie firmiter injungimus et mandamus quatinus talem abusum ecclesiastice institucioni contrarium que sicut statu et condicione clerici laicis sint distincti ipsos eciam in ecclesia locorum assignacione disjungit in ecclesia nostra predicta nequaquam de cetero tolleretis Nullas omnino mulieres religiosas vel seculares nec laicos nisi magne et nobiles personas aut alias quarum sit honestas et devocio satis nota in stallo vel alibi in choro inter ministros ecclesie stare vel sedere dum divina celebrantur officia permittentes Ceterum quia nonnulli laici tanquam procuratores prebendariorum absencium ecclesie nostre predicte stantes ad altaria oblaciones et obvenciones recipiunt ac se quodammodo de spiritualibus intromittunt ex quibus honor ecclesie detrahitur et scandalum in populo generatur Vobis in virtute obediencie et sub pena districcionis canonice firmiter inhibemus ne in dicta ecclesia de cetero fieri permittatis In illos autem qui vestris monicionibus et exortacionibus parere contempserint in premissis canonice cohercendi vobis tenore presencium concedimus potestatem Valete Dat apud Muskam xvj Kaln Novembr Anno gracie MCCC duodecimo et pontificatus nostri septimo
Source (click image below to view full size)
