Charter Document - 02870172
| Charter Number: | 02870172 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1312 |
| Date type: | Assigned |
| Resource Link(s): |
|
Charter:
Willelmus [] dilectis filiis capitulo ecclesie nostre Rypon salutem graciam et benediccionem Facta nuper inquisicione auctoritate nostra in ecclesia nostra Rypon super quibusdam articulis per certos clericos nostros familiares ad hoc deputatos comperimus quod dominus Radulphus de Stanford quondam canonicus ecclesie Rypon et prebendarius prebende de Munketon in eadem centum solidos pro emendacione vestimentorum librorum et ceterorum ornamentorum dicte ecclesie in suo testamento legavit quam pecunie summam Willelmus de Sheningdon executor testamenti magistri Reginaldi de Sancto Albano proximi prebendarii predicte prebende de Munketon post mortem prefati Radulphi a domino Alano filio Idonie et aliis executoribus illius Radulphi nomine predicti magistri Reginaldi cujus procurator tunc exstitit recepit pro dictis defectibus reparandis de quibus nichil adhuc fecit omnino sed pecuniam ipsam ut dicitur idem Willelmus executor predicte in manibus suis tenet
Source (click image below to view full size)
