Charter Document - 02870167

Willelmus permissione Divina Eboracensis archiepiscopus Anglie primas dilecto filio Ricardo de Burton ballivo nostro Rypon salutem graciam et benediccionem Ad aures nostras fide digna relacione pervenit quod nonnulli custodes hospitalis Beate Marie Magdalene Rypon qui pro tempore fuerunt terras domos et possessiones alias ad dictum hospitale pertinentes de facto alienarunt diversis personis terras domos ac possessiones hujusmodi quasdam imperpetuum alias vero ad non modicum tempus per suas literas concedendo in ecclesie nostre ac nostrum et predecessorum nostrorum de quorum elemosinis dictum hospitale fundatum extitit prejudicium manifestum necnon in dicti hospitalis ac custodis ejusdem dampnum non modicum et gravamen Quo circa tibi firmiter injungimus et mandamus quatinus in plena curia nostra Rypon per probos et legales homines de villa predicta et locis vicinis per quos rei veritas melius sciri poterit diligenter inquiras si que terre domus vel possessiones ad dictum hospitale pertinentes per custodes quoscunque hospitalis predicti alienate fuerint imperpetuum vel ad tempus Et si sic que sunt terre domus et possessiones taliter alienate et per quos custodes alienate fuerunt et ad quorum manus terre domus possessiones hujusmodi devenerunt et in quorum manibus nunc existunt quid eciam valent singule terre domus et possessiones predicte secundum verum valorem annuatim et quantum tenentes terrarum domorum et possessionum taliter alienatarum reddunt annuatim custodi hospitalis predicti Quid autem feceris et inveneris in premissis sub tuo et illorum per quos inquisicio facta fuerit sigillis pendentibus nos reddas quam cicius commode poteris litteratorie cerciores Valete Dat apud Cawod []