Charter Document - 02870137
| Charter Number: | 02870137 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1308 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus permissione Divina Eboracensis archiepiscopus Anglie primas dilectis filiis capitulo nostro Rypon salutem graciam et benediccionem Nuper ecclesiam Rypon visitantes quedam inter alia comperimus que ad honorem Dei et ecclesie sic duximus reformanda In primis firmiter inhibemus ut decetero laici stent ad altare ad petendum oblaciones et alia obveniencia seu ea exigant aut recipiant quovis modo contravenientes autem per excommunicacionis sentenciam et per aliam censuram canonicam a presumpcione hujusmodi arceantur Item injungimus quod nulli sepeliantur in ecclesia Ripon nisi magne et honeste persone et que bene merite fuerint erga ecclesiam memoratam Item injungimus et precipimus quod omnes vicarii dicte ecclesie simul habitent die et nocte in domo per dominum Nicholaum de Bondegate ad inhabitacionem eorundem vicariorum caritatis intuitu data et concessa jurentque inhabitare domum eandem juxta ordinacionem per vos predictum capitulum inde factam quam sub vestro sigillo communi vidimus contineri Et ad hec et alia observanda que in dicta ordinacione plenius sunt expressa per censuram ecclesiasticam si necesse fuerit compellantur Valete Dat apud Cawod iiij Id Septembr Anno gracie MCCC octavo et pontificatus nostri anno tercio
Source (click image below to view full size)
