Charter Document - 02870126

Willelmus permissione Divina Eboracensis [] dilectis in Christo filiis dominis Rogero Swayn canonico et Nicholao de Bondegate decano Ripon salutem graciam et benediccionem Cum bone memorie Thomas Eboracensis archiepiscopus predecessor noster immediatus dudum in capitulo Ripon visitacionis excercens officium inter cetera tunc correccione digna sicut ex inspeccione registri sui comperimus ex certis causis et legitimis provide statuendo decreverit ne cuiquam alii quam canonico ecclesie Ripon prebenda alicujus canonici in eadem ex tunc dimitteretur ad firmam sine sua aut successorum suorum licencia speciali ac nonnulli canonici ejusdem ecclesie ut intelleximus non sine temeritatis audacia ac nota inobediencie et contemptus hujusmodi transgrediendo decretum tam laicis quam aliis personis non de ipso capitulo existentibus suas ad firmam prebendas dimiserint licencia hujusmodi non obtenta per quod dum earum firmari de ipsarum pinguedine et valore pro suo hauriunt commodo quicquid possunt nil quasi in emendacionem earum vel modicum apponendo tam redi ficia quam jura et libertates ipsarum ac alia que prebendarii ipsarum exhibere et invenire tenentur pereunt corruunt et declinant in ecclesie Ripon dispendiosum scandalum suarumque periculum animarum vobis mandamus districcius injungentes quatinus super hiis omnibus et de defectibus singulis redi fictorum et prebendarum hujusmodi ad firmam modo quo premittitur dimissorum qui vestris subiciantur oculis per viros fide dignos per quos rei veritas melius sciri poterit nulli suspectos ac eciam ad quantum defectus hujusmodi se extendant et pro quanto juxta estimacionem eorundem fide dignorum et vestrani reparari poterunt inquiratis diligencius veritatem denunciato publice in ecclesia Ripon illis quorum interest quod hujusmodi inquisicioni intersint si sua viderint interesse omnes fructus et proventus prebendarum ipsarum et pecuniam inde debitam in quorumcunque manibus inveniri poterunt ex causis pretactis vice et auctoritate nostra arcius sequestrantes et sub firmo facientes custodiri sequestro donec a nobis aliud receperitis in mandatis nos vero super hujusmodi execucione mandati cicius quo commode poteritis distincte fideliter et aperte certificare curetis per vestras literas harum seriem continentes ut super premissis per vos plenius informati quod honori et utilitati memorate ecclesie cujus membrum nuper fuimus et nunc idem presidemus Domino disponente conveniens fuerit et honestum paternis affectibus ulterius exequamur Valete Dat apud Thorp v Kaln Maii Pontificatus nostri anno secundo