Charter Document - 02870121
| Charter Number: | 02870121 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1306 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus permissione Divina Eboracensis archiepiscopus Anglie primas dilectis in Christo filiis domino Rogero Swayn canonico Rypon et Stephano de Bella Aqua ballivo nostro loci predicti salutem graciam et benediccionem Cum ex causis variis et legitimis Patricium de Brafferton a custodia et administracione hospitalis Beate Marie Magdalene Ripon amoverimus justicia exigente dilecto in Christo filio domino Nicholao de Bondegate capellano ejusdem hospitalis administracionem et custodiam committendo vobis tenore presencium committimus et mandamus firmiter injungentes quatinus inspecta copia cujusdam certificatorii quod ad mandatum nostrum Jacobus de Cimiterio quondam custos dicti hospitalis sub sigillo suo nobis misit quam quidem copiam vobis transmittimus sub sigillo nostro clausam facta insuper inquisicione diligenti que bona mobilia prefatus Patricius in admissione custodire hospitalis predicti tam in ipso hospitali quam in aliis locis ad ipsum pertinentibus invenit tantundem de bonis nunc inventis ibidem dicto domino Nicholao tanquam custodi hospitalis ejusdem per indenturas vestris et suo sigillis signatas sub plurium fide dignorum testimonio liberetis Si qua vero fuerint residua [salvo] custodiantur donec aliud a nobis receperitis in mandatis Quod si bona predicta ad estimacionem bonorum que dictus Patricius recepit nullatenus se extendant si qua alia de bonis ejusdem Patricii [qua] infra jurisdiccionem nostram inveneritis ea faciatis protinus sequestrari et sub arto custodiri sequestro donec de integra estimacione bonorum que receperat hospitali predicto plenarie satisfecerit ut tenetur In cujus rei testimonium literas nostras fieri fecimus has patentes Dat apud Thorp xj Kal Novembr Anno gracie MCCC sexto et pontificatus nostri primo
Source (click image below to view full size)
