Charter Document - 02870117
| Charter Number: | 02870117 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1306 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus [] dilectis in Christo filiis dominis Rogero Swayn canonico et Nicholao de Bondegate decano nostro Ripon salutem graciam et benediccionem Visitato nuper auctoritate nostra hospitali Beate Marie Magdalene Ripon inter cetera ibidem correccione digna compertum extitit Patricium de Brafferton tunc magistrum seu custodem ejusdem super fornicacione seu lapsu carnis cum quadam Alicia de Marton manente in Sutton Hougraue de qua pluries prolem dicitur suscitasse fuisse propter ejusdem mulieris frequentem in hospitali predicto accessum ad eum ut fama pertulit diffamatum Quo super hoc certis die et loco coram nobis vocato ac personaliter comparente premissaque sibi objecta necnon omnem carnalem copulam cum muliere predicta a septennio lapso citra expresse negante eidem super hoc purgacionem se duodecima manu fide dignorum indiximus faciendam De vestra itaque industria confidentes ad recipiende purgacionem hujusmodi certis die et loco quos ad hoc duxeritis assignandos et ad faciendum ulterius quod canonicum fuerit in hac parte necnon ad referendum nobis in scriptis quicquid inveneritis et feceritis in premissis vobis cum potestate cohercionis canonice committimus vices nostras Valete Dat apud Wilton xvij Kaln Novembr Anno gracie MCCC sexto et pontificatus nostri primo
Source (click image below to view full size)
