Charter Document - 02870114
| Charter Number: | 02870114 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Freedom |
| Date: | 1306 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus [] dilecto in Christo filio domino Nicholao de Bondegate capellano salutem graciam et benediccionem De tua fidelitate et industria circumspecta plenius confidentes ac zelum quem ad Christi pauperes habere diceris attendentes custodiam hospitalis Beate Marie Magdalene de Rypon cum omnibus juribus et pertinenciis ipsius necnon administracionem bonorum hospitalis ejusdem tibi committimus per presentes proviso quod onera eidem hospitali incumbencia leprosos libertatis Ripon sustentando eis hospicium providendo et alios Christi pauperes adjuvando secundum ipsius hospitalis facultates subeas voluntatem fundatoris quatenus tibi possibile fuerit debite prosequendo Volumus autem quod cum ipsius hospitalis custodiam qualitercumque dimiseris ipsum tam in rebus mobilibus quam eciam immobilibus in adeo bono statu vel meliori quam illud receperas omnimodo dimittas ut ex tuo labore retribucionem condignam a Domino valeas promereri In cujus rei testimonium literas nostras fieri fecimus has patentes Dat apud Wilton xvij Kal Nov Anno gracie Millesimo CCC sexto et pontificatus nostri primo
Source (click image below to view full size)
