Charter Document - 02870113
| Charter Number: | 02870113 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1306 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus permissione Divina [] dilecto in Christo filio Stephano de Bella Aqua salutem graciam et benediccionem Cum nuper in visitacione nostra quam per dilectos clericos nostros magistros Willelmum de Beuerlaco et Willelmum de Estden fecimus in hospitali Beate Marie Magdalene juxta Rypon plurimorum fide dignorum testimonio sit compertum quod P[atricius] de B[rafferton] custos hospitalis predicti in ejusdem hospitalis administracione et custodia viciosum habuit ingressum quodque fructus redditus et proventus quos de bonis dicti hospitalis pro suo tempore percepit secundum primariam ordinacionem et fundacionem hospitalis ejusdem in usus debitos minime dispensavit et quod aream quandam ad dictum hospitale spectantem ad perpetuam feudi firmam dimisit absque auctoritate nostra vel predecessorum nostrorum cum tamen nullam omnino potestatem habuit alienacionem hujusmodi faciendi quedam eciam nemora ad dictum hospitale in diversis locis spectancia pro magna parte destruxit ea que ex inde provenerunt in utilitatem dicti hospitalis minime convertendo quandam autem suam focariam cum filiabus suis cui per multos annos dampnabiliter adhesit et ex ea multas proles ut dicitur suscitavit per dies et noctes frequenter in domo pro capellanis cecis et infirmis per bone memorie Willelmum de Wykewan olim Eboracensis archiepiscopum predecessorem nostrum ordinata non absque suspicione notabili receptavit et insuper quod horrendum dictu in persona taliter esse dinoscitur per duos annos et amplius in majoris excommunicacionis sentencia perstitit et adhuc persistit dampnabiliter animo indurato tibi mandamus firmiter injungentes quod ad dictum hospitale personaliter accedens prefatum P[atricium] ab ipsius administracione et custodia totaliter amoveas vice nostra dominum N[icholaum] de B[ondegate ] cui dicti hospitalis custodiam et administracionem commisimus in possessionem ejusdem cum omnibus juribus et pertinenciis ipsius absque more dispendio inducendo bona vero omnia in dicto hospitali et locis aliis ad idem hospitale spectantibus que ex certis causis nuper sequestrari mandavimus sub arto sequestro facias inviolabiliter custodiri donec aliud a nobis acceperis in mandatis Vale Dat apud Derlington vij Idus Octobr Anno gracie Millesimo CCC sexto et pontificatus nostri primo
Source (click image below to view full size)
