Charter Document - 02870109
| Charter Number: | 02870109 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1303 - 1304 |
| Date type: | Internal, Calendar, Episcopal |
| Resource Link(s): |
Borthwick Institute - Register 6 (f208r) |
Charter:
Thomas Dei gracia [] dilectis in Christo filiis capitulo nostro Rypon salutem graciam et benediccionem Meminimus nos dudum in processione sollempni ad crucem in foro Rypon presentibus ibidem multis ex vobis astanteque tam cleri quam populi multitudine omnes illos qui maliciose clam vel palam libertatem nostram Ripon sive infra villam sive extra in villis vivariis sive parcis vel locis aliis quibuscunque spectantibus ad libertatem eandem violaverint seu in fregerint eorumque auctores et fautores quoscunque accensis candelis et extinctis canonica monicione premissa pupplice et solempniter excommunicasse in genere et excommunicatos eciam nunciasse quamquam omnes tales ipso facto sint majoris excommunicacionis sentencia in anno promulgata pluries dampnabiliter involuti Quam sentenciam et pupplicacionem ejusdem tam in dicta Ripon ecclesia die bus Dominicis sollempnibus et festivis quam in pleno loci mercato diebus ejusdem in forma prescripta quam vobis observandam nuper dedimus pupplice et solempniter modo consueto et debito recitet is efficaciter et solempniter pupplicetis inquirentes de nominibus eorundem de quibus cum legitime vobis constiterit nobis citra mediam Quadragesimam constare faciatis fideliter per vestras literas harum seriem continentes Nec cessetis a denunciacione hujusmodi donec aliud super hoc a nobis receperitis in mandatis Valete Dat apud Cawod vij idus Januarii pontificatus nostri anno quarto
Source (click image below to view full size)
