Charter Document - 02870085
| Charter Number: | 02870085 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Writ |
| Date: | 1302 |
| Date type: | Internal, A.D., Calendar, Episcopal |
| Resource Link(s): |
|
Charter:
Capitulo nostro Rypon salutem graciam et benediccionem Cum dominus Egidius de Audenardo confrater vester porcionem in ecclesia nostra Rypon curam animarum habentem in qua consistit thesauraria ejusdem ecclesie notorie teneat una cum aliis beneficiis curam animarum habentibus in sue et aliorum plurium periculum animarum ac perniciosum exemplum vobis mandamus quatinus citetis peremptorie prefatum Egidium quod sufficienter et legitime compareat coram nobis vel commissariis nostris uno vel pluribus in nostra Eboracensis ecclesia proximo die juridico post instans festum Sancti Hillarii dispensaciones et jura sufficiencia si que habuerit quorum auctoritate dictam porcionem et dignitatem curam animarum habentem una cum aliis beneficiis curam animarum habentibus jam diu tenuerit et adhuc teneat exhibiturus et ulterius super hiis et aliis sibi obiciendis ex officio responsurus facturus et recepturus quod justicia suadebit Denunciantes eidem quod si dictis die et loco dispensaciones et jura hujusmodi justo inpedimento cessante ipsum non contigerit exhibere nec sufficienter et legitime comparere contra eum prout justum fuerit canonice procedetur De die autem recepcionis presencium necnon citacionis et denunciacionis factarum et quicquid feceritis in premissis nobis citra instans festum Epiphanie Domini distincte et aperte faciatis constare per vestras patentes literas harum seriem continentes Valete Dat apud Cawod v Idus Novembr Anno gracie MCCC secundo et pontificatus nostri tercio
Source (click image below to view full size)
