Charter Document - 02870083
| Charter Number: | 02870083 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1302 |
| Date type: | Internal, Calendar, Episcopal |
| Resource Link(s): |
Borthwick Institute - Register 6 (f197v) |
Charter:
Thomas Dei gracia [] dilectis in Christo filiis [] abbatibus [] prioribus [] capitulis archidiaconis officialibus decanis rectoribus vicariis presbiteris et aliis ecclesiarum ministris per nostram dioecesim constitutis salutem graciam et benediccionem Querelam dilectorum in Christo filiorum [] capituli nostri Ripon recepimus continentem quod licet ipsi procuratorium Johanni de Pebbles manenti in Ponteburgi per eos dudum concessum per quod eum suum procuratorem constituerant ad petendum colligendum et recipiendum elemosinas quas a Christi fidelibus ad fabricam ecclesie nostre Ripon assignari contingerent seu offerri jam a festo Nativitatis Beate Virginis proxima preterito citra ex certis eciam causis et legitimis revocaverint magistrum Willelmum de Stanford medicum clericum suum procuratorem ad prefatum pium negocium ut prredicitur prosequendum per suas patentes literas subrogantes Idem tamen Johannes non sine temeritatis audacia predicto abutens procuratorio dictas elemosinas adhuc ut prius petere colligere et recipere non veretur in anime sue periculum prefatique capituli dispendium non modicum et gravamen Quocirca devocionem vestram in Domino exhortamur vobis in virtute obediencie firmiter injungentes quatinus si prefatum Johannem ad vos venire [sive] per vos transire contigerit pias fidelium elemosinas ad prefatam fabricam petiturum eum ad hoc nullatenus admittatis set predictum magistrum Willelmum pocius utpote procuratorem dicti [] capituli legitimum ad premissa Volumus autem injungimus et mandamus quatinus si quid a dicto festo Nativitatis Beate Virginis racione questus dicti Johannis ad dictam fabricam ex devota colleccione alicujus oblatum penes vos vel aliquem vestrum resideat de illo faciatis dicto Willelmo procuratori capituli integraliter responderi Ad hec citetis seu citet aliquis vestrum prefatum Johannem quod personaliter coram nobis compareat ubicunque fuerimus in nostra dioecesi certo die quem ad hoc duxeritis seu aliquis vestrum duxerit assignandum de quo tam prefato capitulo quam nobis litteratorie constare faciatis seu faciat unus vestrum super sibi obicienda ex officio responsuri suamque super premissis innocenciam si poterit ostensuri alioquin pro meritis recepturi quod justicia suadebit Valete Dat apud Munketon iiij Kaln Novembr Anno gracie [] et pontificatus nostri tercio
Source (click image below to view full size)
