Charter Document - 02870080
| Charter Number: | 02870080 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1302 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 6 (f198r) |
Charter:
In Dei nomine Amen Cum tu Waltere de Kirkeby Molsard primam habens tonsuram pro morte Ricardi filii Roberti le Tournour de Kirkeby fueris deprehensus et ob hoc carcerali custodire tanquam clericus mancipatus et coram nobis Thoma Dei gracia Eboracensis archiepiscopo Anglie primate in judicio personaliter constitutus ac requisitus super homicidio hujusmodi perpetrato sponte judicialiter et de plano confessus fueris te hujusmodi homicidium perpetrasse ac tu Galfride de Hibernia primam habens tonsuram pro roboria facta in Galtres cuidam homini sicut ivit versus Scociam de quindecim denariis fueris deprehensus [] Nos Thomas archiepiscopus supradictus advertentes hujusmodi crimina sic commissa in infamiam tocius ordinis clericalis et exempli perniciem redundare ne hujusmodi facinora dampnabilia per impunitatis audaciam exemplum aliis relinquant imposterum talia committendi invocato Christi nomine vestras confessiones et confessionem cujuslibet vestrum coram nobis in judicio sponte factas et factam secuti Vos et quemlibet vestrum sentencialiter et diffinitive deponimus ab omni officio et beneficio ecclesiastico decernentes vos et quemlibet vestrum juxta juris continentiam fore a prima tonsura seu percepto ordine degradandos et degradandum Et comparuit quilibet sicut debuit indutus superpelliceo in occidentali hostio ecclesie Ripon et per [] archiepiscopum pontificalibus indutum fuerunt exuti super pelliceis unusquisque eorum videlicet singillatim sub hiis verbis Auctoritate Dei Patria Omnipotentis et Filii et Spiritus Sancti ac nostra tibi N auferimus habitum clericalem et te deponimus degradamus spoliamus et denudamus ab omni beneficio et privilegio clericali ac prima tonsura quam per manus pontificis recepisti Et memorandum quod unusquisque ipsorum stetit coram archiepiscopo judicialiter sine compedibus ut predicitur confitens crimen suum Et memorandum quod iste degradaciones clericorum facte fuerunt vj Kaln Novembr Anno gracie MCCC secundo et pontificatus Thome archiepiscopi tercio in ecclesia Rypon presentibus dominis Priore de Hextildesham Johanne de Lithegreyns et Simone de Ward seniore militibus ac Rogero Swayn canonico Rypon necnon magistris W de Beuerlaco et R de Mar et aliis pluribus fide dignis Confessiones vero clericorum predictorum distincte et aperte scribuntur in cedula hiis consuta
Source (click image below to view full size)
