Charter Document - 02870078
| Charter Number: | 02870078 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1301 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 6 (f196r) |
Charter:
Thomas Dei gracia [] dilectis in Christo filiis magistris Johanni de Roderham domino Rogero de Mar Succentori ecclesie nostrre Eboracensis ac Ricardo fil Sabine de Beuerlaco clericis nostris salutem graciam et benediccionem De vestra industria confidentes ad corrigendum et reformandum comperta in visitacione nostra quam nuper in clero et populo prebendarum et commune Ripon ac decanatus ejusdem et decanatus de Otteley cum suis membris exercuimus in rotulis hiis annexis contenta citando injungendo examinando pronunciando diffiniendo exequendo et ulterius quatenus justicie convenire videritis faciendo Vobis conjunctim et divisim cum potestate cohercionis canonice committimus vices nostras [] capitulo nostro Ripon seu eorum locum tenenti necnon [] de Ripon et [] de Otteley decanis seu eorum locum tenentibus in virtute sancte obediencie tenore presencium firmiter injungentes quod vobis et uni cuique vestrum ut nobis in omnibus que dicta contingunt comperta seu contingere poterunt pareant prompcius et intendant Sentencias autem quas rite tuleritis seu aliquis vestrum tulerit in rebelles ratas habebimus easque dante Deo faciemus inviolabiliter observari Vale Dat apud Cawod ij Id Novembr Anno gracie millesimo CCCJ et pontificatus nostri secundo
Source (click image below to view full size)
