Charter Document - 02870070
| Charter Number: | 02870070 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1300 |
| Date type: | Internal, A.D., Calendar |
| Resource Link(s): |
|
Charter:
Thomas Dei gracia [] dilectis in Christo filiis Patricio de Braferton et Ricardo de Stouwe salutem graciam et benediccionem Sciatis quod constituimus vos justiciarios nostros una cum hiis quos vobis duxeritis associandos ad inquirendum de illis qui nuper cum domino nostro Rege in guerra Scocie constituti vadiis suis receptis de ipsius exercitu fraudulenter ad propria vel alibi recesserunt et super aliis articulis in brevi originali super hoc dominis Roberto de Boulton Petro Bekard et Radulpho de Dalton justiciariis ad id per ipsum Regem specialiter deputatis directo contentis Et ideo vobis mandamus quod cum predicti Robertus Petrus et Radulphus ad partes illas venerint super hujusmodi articulis plenius inquiratis inde quod ad justiciam pertinet secundum legem et consuetudinem regni Anglie et libertatis nostre Ripon salvis uobis amerciamentis [] In cujus rei testimonium literas nostras vobis fieri fecimus has patentes Valete Dat apud Cawod v Non Octobr Anno gracie MCCC et pontificatus []
Source (click image below to view full size)
