Charter Document - 02870069
| Charter Number: | 02870069 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1300 |
| Date type: | Internal, Calendar, Episcopal |
| Resource Link(s): |
Borthwick Institute - Register 6 (f192r) |
Charter:
Thomas Dei gracia [] dilecto in Christo filio capitulo nostro Ripon vel procuratori suo aut ipsorum locum tenenti salutem graciam et benediccionem Querelam magistri hospitalis nostri Beate Marie Magdalene Ripon recepimus continentem quod dominus Egidius de Garderoba canonicus vester Johanni Hobard prebendam suam ad firmam dimiserit idem Johannes quasdam decimas garbales a solo hospitalis nostri predicti videlicet de Stephanran ad ipsum magistrum et non ad alium pertinentes in quarum possessione prefatus Egidius aut predecessores sui in prefata ecclesia canonici nunquam fuerant ut refertur ac si ad prebendam ejusdem Egidii pertinerent asportavit et abduxit in nostri et prefati magistri prejudicium non modicum et contemptum ipsiusque Johannis anime periculum et aliorum perniciosum exemplum Quocirca vobis mandamus quatenus prefatum Johannem moneatis et efficaciter inducatis et si necesse fuerit per censuram ecclesiasticam canonice compellatis quod de solo hospitalis nostri predicto aut de percepcione decimarum in loco predicto se nullatenus intromittat set pocius a presumpcione hujusmodi desistat quodque infra viij dies a die monicionis sibi facte predicto magistro decimas integre restituat asportatas aliis quod Deo et ecclesie satisfaciat de presumptis alioquin in causa vestre negligencie non dissimulabimus apponere manus nostras faciendo justiciam conquerenti Quid autem feceritis in premissis nos cum ex parte ipsius magistri fueritis requisiti reddatis certiores per vestras patentes literas harum [] continentes Valete Dat apud Burton iiij Kal Sept pontificatus nostri anno primo
Source (click image below to view full size)
