Charter Document - 02870063

Reverendo patri in Christo Thome Dei gracia Ebor archiepiscopo Anglie primati suus devotus clericus Rogerus Swayn canonicus Rypon salutem et tam debitam quam devotam obedienciam reverenciam et honorem A vobis nuper in mandatis recepi quod investigata plenius veritate si xv Kal Junii pontificatus domini Bonifacii pape viij anno iij vel postmodum prebenda aliqua in Ryponenci vacavit ecclesia licet ipsius possessioni aliquis incubuerit vel incumbat qualiter et a quo tempore seu si qua nunc vacet sive una sive plures et quicquid invenire potero vobis distincte et aperte rescribere non tardarem Super quibus de omni parte prout potui diligenter feci inquisicionem per quam inveni quod post tempus date supradicte per mortem Jacoby Cyney Gwydonis qui in Urbe decessit ut dicitur quedam prebenda in ecclesia Rypon vacavit archiepiscopatu Ebor racione ultime vacacionis sedis ejusdem in manu domini regis existente quam quidem prebendam idem dominus rex de jure suo cuidam Thoma de Sabaudia suo contulit consanguineo et eundem per quemdam magistrum Gerardum procuratorem suum literas suas patentes deferentem capitulo Rypon ad admittendum inibi in fratrem et concanonicum ad dictam prebendam destinavit quem capitulum visis literis et mandato domini regis salvo jure cujuslibet reverenter admisit Cujus possessioni idem Thomas jure cujuslibet salvo per procuratorem adhuc incumbit et sic nullam aliam prebendam ad presens in eadem scio vacantem Transcriptum literarum domini regis super hoc capitulo directarum vobis transmitto si placet inspiciendum Valeat paternitas vestra per tempora diuturna