Charter Document - 02870056
| Charter Number: | 02870056 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1295 |
| Date type: | Internal, A.D., Calendar |
| Resource Link(s): |
Borthwick Institute - Register 4 (f108r) |
Charter:
In Dei nomine Amen Cum vos Walterus de Leuington et Franciscus de Leuington primam habentes tonsuram nostre dioeceseos coram nobis Johanne permissione [] Anglie primate jure tanquam clerici carcerali custodire mancipati in judicio personaliter constituti sponte Judicialiter et de plano confessi fueritis vos die Martis proxima ante carni pravium vij vel viij annis elapsis domum domini Walteri de Cambou militis fregisse vel burgasse et de ipsa duos equos precii xx li et xl li sterling in pecunia cuppas auri et argenti annulos aureos firmacula auri et argenti reliquias pannos et multa alia subtraxisse furtive Tu eciam Robertus de Mileford primam habens tonsuram coram nobis injudicio personaliter constitutus sponte [] confessus fueris te die Lune proxima post festum Nativitatem Beati Johannis Baptiste fere tribus annis elapsis domum Roberti de Camera de Fenton burgasse et circiter x marcas de ipsa una cum pannis et aliis bonis asportasse furtive domum eciam magistri Roberti de Lascy officialis nostri alias te burgasse et de ipsa circiter v marcas ciphos coclearia argenti pannos et alia subtraxisse furtive Tu autem Ricardus de Skipton primam habens tonsuram coram nobis personaliter [] confessus fueris te fere duobus annis elapsis domum magistri Johannis de Roma apud Neuthorp burgasse et ibidem circiter xl s sterl ciphos argenteos pannos et alia asportasse furtive confessusque fueris te ad domum ipsam homicidium perpetrasse Tu eciam Johannes de Fenton primam habens tonsuram coram nobis [] te fere tribus annis elapsis domum Willelmi prepositi de Drachton burgasse et inde v s et multa alia asportasse furtive Nos advertentes crimina hujusmodi sic commissa in infamiam tocius ordinis clericalis et exempli perniciem redundare ne hujusmodi flagicia dampnabilia per impunitatis audaciam exemplum relinquant aliis imposterum talia committendi invocato Christi nomine vestras confessiones et confessionem cujuslibet vestrum coram nobis in judicio factas et factam secuti vos et quemlibet vestrum finaliter et diffinitive ab omni officio et beneficio ecclesiastico deponimus decernentes vos et quemlibet vestrum juxta juris continenciam fore et suscepto ordine degradandos et degradandum Memorandum quod prredicti sub hiis verbis degradati fuerunt In Dei nomine Amen Ex auctorizatus exuimus et degradamus te Walterum te Franciscum te Robertum te Ricardum et te Johannem ab ordine psalmistatus Actum in occidentali ostio ecclesie Rypon xiiij Kal Junii Anno gracie [] nonagesimo quinto et pontificatus nostri x
Source (click image below to view full size)
