Charter Document - 02870044
| Charter Number: | 02870044 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1291 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f104v) |
Charter:
J[ohannes] permissione [] dilectis in Christo filiis capitulo nostro Rypon salutem graciam et benediccionem Declinantibus nobis ad capitulum antedictum die Jovis in crastino Beati Jacobi apostoli prox preterito ad visitacionis officium apud vos et ecclesiam vestram paternis affectibus exercendum dominis Rogero Swayn et Johanne de Beningworth canonicis ejusdem ecclesie coram nobis in dicto capitulo personaliter comparentibus ac dominis Philippo de Wylugbby et magistris Willelmo de Grenefeld Johanne de Ebroyc et domino Egidio de Garderoba dicte ecclesie concanonicis prefato die Jovis nullatenus personaliter comparentibus nec sufficienter secundum juris exigenciam pro se mittentibus licet ad eundem diem legitime citatis et de equitate canonica usque in diem Veneris prox[ima] sequentem benignius expectatis reservata eciam nobis specialiter potestate omnes prenominatos canonicos tunc absentes pro preterita sua contumacia manifesta die Lune proxima post festum Beati Michaelis prox[ima] futurum ad quem diem eosdem absentes canonicos decrevimus fore citando animadversione condigna sicut justum fuerit puniendi Nos nihilominus quod ex officio nostro incumbit sine negligencia qualibet ad honorem Dei et propter zelum animarum ulterius exequi cupientes vobis tenore presencium injungimus et mandamus quatinus prenominatos canonicos Philippum Willelmum Johannem et Egidium ac ceteros confratres vestros citare et convocare curetis quod personaliter propter negocii vehemenciam dicto die Lune in memorato capitulo compareant et vos omnes et singuli eisdem die et loco com pareatis personaliter coram nobis in virtute sancte obediencie et sub debito juramenti prestiti dicte ecclesie Rypon necnon et sub pena suspensionis a percepcione prebendarum suarum et vestrarum visitacionem nostram jure ordinario faciendam sine tarditate qualibet in forma juris humiliter suscepturi ac in omnibus et singulis articulis hujusmodi visitacionem nostram contingentibus quoquomodo sine cujuslibet excusacionis diffugio audituri facturi et recepturi quod justicia vel requitas suadebit super citacione et convocacione hujusmodi nos certificantes ad diem per vestras patentes literas [] Dat Rypon vj Kal Aug pont[ificatus] nostri anno sexto
Source (click image below to view full size)
