Charter Document - 02870040
| Charter Number: | 02870040 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1289 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f95v) |
Charter:
J[ohannes] permissione [] dilecto in Christo filio R[ogero] Swayn canonico Rypon salutem graciam et benediccionem Ad decorem domus Domini et preconium laudis Christi Divinre veneracionis solempnia cantancium et psallencium clericorum ministerio in ecclesiis extolluntur que evidens insufficiencia clericorum in ecclesia Rypon ministrancium non absque superiorum vituperio inibi deprimit pocius quam extollit dum in cantu vix aliquis prevalet in psalmodia vero raros audivimus commendari Hiis itaque minus debite se habentibus volentes prospicere ut tenemur devocioni vestre districtius injungendo mandamus quatinus amotis insufficientibus ministris omnibus in cantu et psalmodia ad chori onera supportanda tales loco ipsorum curetis recipere et substituere de cetero qui probati et sufficientis fuerint in premissis Nec negligencie convincatis quin delinquentes et errantes in choro corripiatis acriter et pro modo culpe seu desidie sicut convenit corrigatis In hujus nostri execucione mandati vestra se sic exerceat devocio quod mandantis auctoritas recommendare debeat obedienciam exequentis Valete Dat apud Quixeley vj Kai Mart pontificatus [anno quarto]
Source (click image below to view full size)
