Charter Document - 02870039
| Charter Number: | 02870039 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1289 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f95v) |
Charter:
J[ohannes] primas [] Dilecto in Christo filio domino Rogero Swayn canonicis Rypon salutem graciam et benediccionem Quam sancte et salubriter [pia patrum predecessorum nostrorum devocio antiquorum ad Divini cultus augmentum laboraverit quamque laudabiliter in Divino obsequio assiduis providerit de ministris qui competentia perciperet stipendia in domo Domini cotidie ministrantes scripta ipsorum relicta posteris edocent et scrutantibus manifestant Set modernis temporibus effectum proch dolor sopiri conspicimus consideracionis antique que realiter continuari disposuit zelo Dei sanctissime ordinata dum ut solvantur stipendia ministri nudo nomine tantummodo se sollicitos exhibent qui debitum ministerium raro prebent mercedem exigunt qui in vinea non laborant emolumentum sitiunt qui onera non agnoscunt Sicque honori Divino irreverenter detrahitur patrimonium Christi inutiliter consumitur ac indebita stipendia percipiens miserabiliter decipitur ad quorum restitucionem jure poli forsitan obligatur] Intolerabilem siquidem hunc abusum in ecclesia nostra Rypon quando eam visitavimus sub periculosa connivencia foveri comperimus quod vij perpetuorum canonicorum ministerio [est dotata annexo onere residencie personalis] Ne igitur [alienam culpam faciamus propriam dissimulando quod absit ad statum debitum reducere quod in premissis reformacione precipua novimus fore digna devocioni vestre firmiter injungimus et mandamus] quatenus lecta puplice harum serie in ecclesia predicta Rypon et capitulo loci ejusdem assistentibus cotidianis ministris ipsius ecclesie moneatis omnes et singulos canonicos memorate ecclesie non resident es in ipsa quod ad personaliter residendum [se aptent Citantes eos nihilominus] peremptorie quod citra mensem Sept proxima ad dictam ecclesiam veniant personalem ad quam [tenentur facturi deinceps residenciam in eadem] sub pena canonica quam ex tunc contra non parentes curabimus exercere Nosque super hujus execucionem mandati ac de hominibus tam parencium quam non parencium monicioni et citacioni predictis in capite mensis predicti distincte certificare curetis per vestras patentes literas [que harum copiam representent] Bene valete Dat Ryp xvj Kal Marcii [anno quarto]
Source (click image below to view full size)
