Charter Document - 02870034
| Charter Number: | 02870034 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1286 |
| Date type: | Assigned |
| Resource Link(s): |
Borthwick Institute - Register 4 (f91r) |
Charter:
Cancellus Rypon ruinosus reparetur ad quem reparandum ordinavit dominus quod quilibet canonicus det decimam prebende sue secundum taxacionem Northwicensem donec illa ruina reparetur Item capitulum ostendet domino originalia instrumenta super ordinacione seu institucione primaria prebendarum citra festum Purificacionis Beate Virginia ubicumque fuerit in dioecesi Item ecclesia de Nid annexa communitati reparetur competenter in coopertura libris ornamentis infra annum sub pena xl s domino solvendorum Item domus Percevalli Johannis de Ebrioc et Willelmi de Grenefeld reparentur infra annum et in bono statu conserventur Item provideatur de magistro scolarum cantus infra quindenam post festum Sancti Michaelis Item dominus reservat sibi correcciones de exequiis Item missa celebretur pro defunctis cotidie per circuitum vicariorum Item capitulum provideat sibi de discreto auditore citra festum Omnium Sanctorum qui causas audiat Alioquin capellani et ministri ecclesie sint obedientes mandatis domini et decani et quod faciant execuciones ad mandatum decani Item dominus monuit capitulum quod sibi satisfaciat de procuracione ei debita racione visitacionis citra festum Omnium Sanctorom Item dominus pronunciavit omnes canonicos absentes contumaces reservando sibi penam pro suo arbitrio infligendam
Source (click image below to view full size)
