Charter Document - 02860032

Sciant presentes et futuri quod ego Sauericus de Clouilla dedi concessi et hac presenti carta mea confirmaui Iohanni filio Martini de Hertwell pro seruicio suo et pro quadam summa pecunie quam michi dedit premanibus quinque acras et dimidiam acram terre mee arabilis cum cheuec et omnibus aliis suis pertinenciis et vnam acram prati in campis de Hertwell et in parochia de Stone Videlicet vnam acram in campo del Suth et extendit in regalem uiam que ducit inter Stone et Brounesgrene et iacet inter terram Ricardi le Gode Et in campo del Norht vnam acram super Ouere Weddone et iacet iuxta terram Claricie vidue ex parte del Norht Et dimidiam acram super Nethere Weddone et iacet iuxta terram que fuit Ade carectarii ex parte del Suht Et vnam dimidiam acram super culturam que uocatur Elsedecrofte cum exteriori cheuec in Paruafeldmed et iacet iuxta terram quondam Martini clerici ex parte del West Et duas buttas simul iacentes cum cheuec super illam culturam que abutat contra Wolfeieshamme iuxta terram Hugonis de Fraxino ex parte del West Et in campo del Suht vnam acram que extendit contra regalem viam que ducit inter Stone et Bisschopestone inter duas acras domini Galfridi Neirnuht Et in campo del Norht vnam acram que iacet super Chiscombe iuxta unam acram que est forschetare quam Ricardus filius Nigelli tenuit ex parte del Norht Et vnam acram prati in Dolmede videlicet illam acram que iacet ex parte del Suht de sex acris propinquioribus le Goldernehamme iuxta pratum quod fuit Willelmi Baret ex parte del est Habend et tenend totam predictam terram et pratum cum cheuec et omnibus aliis suis pertinenciis de me et heredibus meis et meis assignatis predicto Iohanni et heredibus suis et suis assignatis cuicumque dare uendere uel assignare voluerit libere quiete integre bene et in pace iure hereditario inperpetuum Reddendo inde annuatim michi et heredibus meis et meis assignatis ipse et heredes sui et sui assignati octo denarios ad duos anni terminos scilicet ad festum Sancti Michaelis septem denarios et obolum Et ad festum Pasche obolum pro omnibus seruiciis consuetudinibus exaccionibus scutagiis hidagiis tallagiis wardis releuiis heriettis auxiliis maritagiis sectis cur et omnibus aliis secularibus seruiciis et demandis tam regiis quam aliis que de predicta terra et prato aliquo casu uel iure exigi poterunt inperpetuum Et ego predictus Sauericus et heredes mei et mei assignati totam predictam terram et pratum cum omnibus suis pertinenciis predicto Iohanni et heredibus suis et suis assignatis contra omnes gentes iudeos et christianos warantizabimus aquietabimus et per predictum seruicium inperpetuum defendemus Et ut hec mea donacio concessio et warantia firma et stabilis semper permaneat hanc cartam sigilli mei inpressione corroboraui Hiis testibus domino Giliberto de Bracv Ricardo le Gode Ricardo de Templo Iohanne filio Willelmi Aleyn Iohanne de Bisschopestone Ricardo filio Martini Giliberto de Mora et aliis