Charter Document - 02860029
| Charter Number: | 02860029 |
|---|---|
| Cartulary Title: | Early Buckinghamshire Charters |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1242 - 1255 |
| Date type: | Assigned |
| Resource Link(s): |
|
Charter:
Hec est conuencio facta inter Savaricum de Clouil ex vna parte et Willelmum de Hertwell ex altera videlicet quod predictus Sauaricus dedit concessit remisit et quiete clamauit pro se et heredibus suis inperpetuum Willelmo de Hertwell et heredibus suis et assignatis suis et heredibus assignatorum suorum homagium et seruicia consuetudines et demanda vardas releuia et excaetas et auxilium primogenite filie sue maritanda et primogeniti filii sui militem faciendi tallagia et omnia alia seruicia que sibi uel heredibus suis uel eorum assignatis uel aliquibus nomine suo aliquo casu uel aliquo euentu accidere possint uel euenire de duobus mesagiis et de dimidia uirgata terre et duobus acris cum earum pertinenciis que habuit de dono et feffamento dicti Sauarici in willa de Hertwell et de Stanes excepta quadam parte gardini quam predecessores dicti Sauarici sibi apprendunt de crouta Ade carectarii quam partem dictus Willelmus ei remisit pro se et heredibus suis et quiete clamauit cum toto iure quod in ilia parte croute habuit sub hac conuencione quod si predictus Sauaricus uel heredes sui siue assignati illam partem vendere uel alicui alienare voluerint nemini in mondo vendent nec alienent praeter quam sibimet ipsis vero tantomodo dicto Willelmo et heredibus suis uel eorum assignatis capta ab eis tanta suma pecunie quanta aliquis pro ea parte gardini dare voluerint Hec omnia predicta habebunt et tenebunt dictus Willelmus et heredes sui bene et in pace et quiete sine inpedimento dicti Sauarici uel uexacione Hoc excepto quod predictus Willelmus et heredes sui et sui assignati aquietabunt et defendent predictam dimidiam uirgatam terre quam habuit de dono dicti Sauirici uersus dominum regem et penes dominum feodi de scutagio et hidagio cum acciderint et de custodia castri Roufensis in tantum quantum pertinet ad dimidiam uirgatam terre cum suis pertinenciis que omnia predicta al locabuntur dicto Sauarico et heredibus suis in seruicio debito [] domino feodi in dimidio feodo vnius militis in villa de Hartwell et de Stanes quod tenet de domino Warino de Munchanc Pro hac donacione remicione et quieta clamancia dedit dictus Willelmus dicto Sauarico dimidiam marcam argenti premanibus Et in testimonium huius quiete clamancie et remissionis ne possent istam quietam clamanciam infirmare nec contradicere in perpetuum alter alterius scripto sigillum suum apposui Hiis testibus dominis Iordano de Arches Alexandro de Hamden Gileberto de Braci militibus Roberto filio Nigelli Willelmo de Sancto Claro Ricardo de Templo Ricardo le Gode Iohanne Alein Ricardo de la Grene Iohanne filio Martini Waltero le Dug et aliis
Source (click image below to view full size)
