Charter Document - 02860014

Sciant presentes et futuri quod ego Ricardus de Argenteym de Est Cleyndon dedi concessi et hac presenti carta mea confirmaui Willelmo filio Iohannis filii Nigelli pro triginta solidis sterlingorum quos michi dedit premanibus totum illud mesuagium cum crofto adiacente in Est Cleyndon quod iacet inter mesuagium quod fuit aliquando Willelmo de Echekote et mesuagium Henrici Wade quod uocatur Stenholteshorcherd et nouem acras et vnam rodam terre mee arabilis in campo de Est Cleyndon et viginti duas anderas prati et omnes redditus meos honoris Peuerel quarum vna acra abuttat in to Cleyndonbrok et iacet iuxta terram Henrici Wade et vna dimidia acra est forera et abuttat uersus Horswelmor et due rode iacent super le Sonde uersus boscum iuxta terram dicti Henrici et vna acra abuttat in viridem viam que ducit uersus Middel Cleydon et vna acra abuttat in to Elsindewelleslade iuxta terram dicti Henrici et vna acra iacet Croucweye iuxta terram ipsius Henrici et vna dimidia acra iacet subtus Eliseswelle et vna acra abuttat in uiam que ducit uersus Wineslow et vna dimidia acra iacet super Herwenhull iuxta terram Iohannis bercarii et vna roda iacet super Blakwelleforlong et vna dimidia acra iacet subtus le Dedlonde et vna dimidia acra iacet inter duas Smethemedes et vna dimidia acra iacet super Medfurlong inter terram domine Iohanne de Valeynes et terram Iohannis filii persone et vna dimidia acra iacet apud Cointbrok et vna acra iacet apud Russifornes et due rode iacent super Fifacres subtus le More et tres andere prati iacent in Widifurlong iuxta uiam que ducit versus Hoggesisawe et alie tres andere supra Lettonweye iacent et alie tres andere iacent apud le Goridole et alie tres andere abuttant in to Hoggessawe Mers et alie tres andere iacent apud Strangesterte et alie tres andere latent apud la Rudole et quatuor andere iacent inter Lettonweye et Medfurlong et vna andera iacet in le Luttelmed Habend et tenend sibi et heredibus suis uel suis assignatis quibuscumque de capitalibus dominis feodi libere quiete iure hereditario in perpetuum Faciendo inde capitalibus dominis feodi seruicia pertinencia ad tantum tenementum de eodem feodo in eadem villa Ego uero dictus Ricardus et heredes mei dicto Willelmo et heredibus suis uel suis assignatis quibuscumque omnia predicta tenementa cum pertinenciis suis prenotatis per predicta seruicia capitalibus dominis feodi facienda contra omnes gentes in perpetuum warantizabimus acquietabimus et defendemus Et ut hec omnia rata permaneant in perpetuum hoc presens scripture sigilli mei impressione roboraui Hiis testibus Ada de Binham Ricardo Tochewik Roberto Austyne Iohanne filio Ricardi de la Borle Willelmo de Echekote Roberto de Keysso Hugone de Keysso Iohanne del Brok clerico et aliis