Charter Document - 02842151
| Charter Number: | 02842151 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1286 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f92v) |
Charter:
Suo decano de Holdern[esse] Salutem [] Prelatorum tepiditas subditos nonnunquam excitat et impellit quo promptius jura ecclesiastica subtrahunt et decimas utriusque testamenti precepto debitas necnon alia consueta puta trabas nonnullis ecclesiis ab antiquo assignatas in eterne salutis dispendium solvere dampnabiliter contradicunt Volentes itaque nobis subjectis ecclesiis oportunis remediis salubriter subvenire devotioni tue firmiter injungendo mandamus quatinus moneas et sollicitis exhortationibus inducas omnes tui decanatus qui ad solutionem trabarum ecclesie nostre Beverlacensis astringuntur quod de arreragiis si que fuerint ministris Capituli et Prepositi ecclesie ejusdem absque more dispendio satisfaciant ut tenentur alioquin diebus dominicis et aliis solemnibus et festivis per totum decanatum tuum ipsos in majoris excommunicationis sententiam contra trabarum detentores in ecclesia Beverlacensi annis singulis publicatam in genere denuncies incidisse Nos super hujusmodi executione mandati certificans cum ex parte capituli vel prepositi fueris requisitus Datis Rypon vij Kal Jan anno primo