Charter Document - 02841170
| Charter Number: | 02841170 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1291 |
| Date type: | Internal, Calendar, Episcopal |
| Resource Link(s): |
|
Charter:
Salutem gratiam et benedictionem Cum reverendus vir Magister Willelmus de Monte forti Decanus Sancti Pauli Londoniensis auctoritate apostolica ut dicitur sibi concessa Domino Onufrio dicto Pape de Trebis fratri venerabilis viri Domini Nicholai Domini Pape camerarii de canonicatu et prebenda in nostra Beverlacensi ecclesia nulli alii de jure debita proxima providerit vacatura sicut per litteras executorias quas vobis inspiciendas mittimus liquere videtur Nosque visis et intellectis litteris omnibus nobis in hujusmodi negotio exhibitis quatenus de jure ac juris necessitate potuimus et debuimus Jacobum de Regio qui se dicit procuratorem dicti Onufrii ad prefatos canonicatum et prebendam nulli alio de jure debitam vel canonice debendam inposterum admiserimus Non intendentes quod per admissionem hujusmodi juri nostro quoad collationes prebendarum in ipsa ecclesia nunc nec inposterum quoquomodo prejudicium generetur set eatenus nostra admissio valeat quatenus sua provisio debitum debeat sortiri effectum Devotioni vestre mandamus quatenus prefatum O[nufrio] vel procuratorem suum si quem habet legitimum ejus nomine in forma predicta admittatis in canonicum et in fratrem Valeatis Datis apud Alwenton v Kalendas Julii pontificatus nostri anno sexto