Charter Document - 02841157
| Charter Number: | 02841157 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Writ |
| Date: | 1290 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f97v) |
Charter:
J[ohannes] permissione divina [] dilectis in Christo filiis Capitulo ecclesie nostre Beverlacensis Salutem gratiam et benedictionem Cum in negotio ex officio nostro contra vos ex diu moto super reformatione status ecclesie ejusdem Beverlacensis ac personali residentia quam a vobis exigimus in eadem ecclesia sicut justum fuerit faciendam et maxime juxta statum ejusdem ecclesie primitivum facta et laudabili auctoritate regia ab initio ordinatum quosdam ex vobis post plures prefixione seu citationes a nobis precise et peremptorie sibi factas invenerimus totaliter contumaces non solum in non veniendo set in non proponendo nec exhibendo aliquid quod sibi forsan competere posset ad defensionem contra nostram exactionem predictam quosdamque alios ex vobis re perierimus contra formam citationis seu pro fixionis sibi facte per alium minus legitime comparentes Nos nihilominus propter verba pacis quam quidam ex vobis nobis bona fide sicut apparuit obtulerunt condescendere ultra strictam rationem equitati volentes et manum nostram benigne adhuc a cohercionibus temperantes vobis sub pena canonice districtionis firmiter injungendo mandamus quatinus hec omnia omnibus canonicis et officialis ejusdem ecclesie Beverlacensis absentibus per litteras vestras fideliter intimantes Prepositum Beverlacensem Magistros Walterum de Glovernia Willelmum de Luda Willelmum de Haxeby canonicos Dominum W de Hamelton Precentorem Magistrum R de Byham Cancellarium et Magistrum Thomam de Munkegate Sacristam ejusdem ecclesie ex parte vestra precise et peremptorie sine tarditate qualibet citare curetis quod propter negotii vehementiam personaliter compareant coram nobis in capitulo nostro ejusdem ecclesie Beverlacensis die Lune proxima ante festum Nativitatis Sancti Johannis Baptiste proximo futurum sub pena contumaciarum suarum preteritarum necnon et ulterius super toto negotio principali pro reformatione status ejusdem ecclesie et residentia personali quam requirimus inchoato audituri facturi et recepturi quod juxta qualitatem et naturam negotii prelibati et secundum processum prehabitum in eodem justitia suadebit nisi pax et quies super premissis a vobis hactenus prelocuta forsan fuerit justis considerationibus unanimiter reformata Ad quos diem Lune et locum predictum ex abundanti consimiliter peremptorie et personaliter tenore presentium vos citamus Quid igitur super premissis omnibus et singulis quantum ad citationem pertinet faciendam in forma predicta feceritis nos per litteras vestras patentes harum de verbo ad verbum seriem continentes non tardetis pro loco et tempore reddere certiores Dat apud Burton ix Kalendas Aprilis pontificatus nostri anno quinto