Charter Document - 02841155
| Charter Number: | 02841155 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Writ |
| Date: | 1289 |
| Date type: | Internal, A.D., Calendar |
| Resource Link(s): |
Borthwick Institute - Register 4 (f95v) |
Charter:
J[ohannes] permissione [] dilecto in Christo filio procuratori Capituli Beverlacensis Salutem gratiam et benedictionem Postquam visitationis officium in nostra Beverlacensi ecclesia exercuimus votivo conamine studuimus ecclesiam ipsam ad antiquum statum reducere quem beati patres predecessores nostri in ea sancta consideratione posuerant et salubriter statuerant observandum cui profecto non sine cordis amaritudine compatimur dum totaliter subversa cernimus que circa statum eundem primitive extiterant stabilita Set occupationes alie ex transverso multipliciter occurrentes nostrum hactenus propositum sequestrarunt quominus operose intendere potu[er]imus hiis premissis Nunc itaque mentem ad preconcepta eo promptius convertentes quo ea efficacius dirigere zelo cupimus ampliori devotioni tue injungimus et mandamus quatinus citas peremptorie omnes et singulos canonicos dicte ecclesie et Prepositum etiam ejusdem ecclesie quod compareant coram nobis in capitulo ecclesie memorate die Martis proxima post instans festum Beati Mathie Apostoli ad tractandum nobiscum super statu ecclesie et suo etiam quem communicato consilio intendimus ministrante Altissimo ad honorem et profectum ecclesie debita sollicitudine reparare Super hujus autem executione mandati ad dictum diem certificas per tuas patentes litteras harum continentes tenorem Dat apud Wylton vij Kalendas Februarii [anno gratie MCC octogesimo octavo]