Charter Document - 02840289
| Charter Number: | 02840289 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1135 - 1147 |
| Date type: | Assigned |
| Resource Link(s): |
Borthwick Institute - Register 5 (f10r) |
Charter:
Notum sit universis [Christi] fidelibus presentibus et futuris quod Thomas Prepositus ecclesie Sancti Johannis de Beverlaco et Canonici ejusdem ecclesie consensu et assensu Thurstan Eboracensis Archiepiscopi concesserunt Canonicis et ecclesie sancte Marie de Bridelington elemosinam illam que pertinet ad ecclesiam Beverlacensem in parochiis de Bridelington et de Hunmanby hoc est in unaquaque villa supradictarum parochiarum de singulis carrucis duas travas vel duos denarios Et ecclesia de Bridelington tenebit illam elemosinam inperpetuum de ecclesia Beverlacensi hoc tenore quod canonici de Beverlaco communicent in omnibus beneficiis et elemosinis et oracionibus que in ecclesia de Bridelington fient inperpetuum sicut canonicus ecclesie et quando canonicus Beverlacensis mortuus fuerit illud idem servicium fiet pro eo in ecclesia de Bridelington quod fit pro mortuo canonico ejusdem ecclesie et pro recognitione hujusmodi elemosine inperpetuum habende Canonici de Bridelington reddent canonicis de Beverlaco xiij solidos iiij denarios unoquoque anno ad Nativitatem Sancti Johannis Baptiste Et ut hujusmodi communionis dileccio inter has duas ecclesias stabilis et inconcussa permaneat similiter communicabunt canonici ecclesie de Bridelington in omnibus beneficiis et elemosinis et oracionibus que in ecclesia de Beverlaco fient inperpetuum sicut canonicus ecclesie et quando canonicus Bridelingtoniensis mortuus fuerit illud idem servicium fiet pro eo in ecclesia de Beverlaco quod fit pro mortuo canonico ejusdem ecclesia Hii sunt testes Robertus de Wicvilla Herveus de Beverlaco Reynaldus de Nocton Hugo de Molescroft Godefridus de Raganathorp Gilberto de Beceby Gamel filio Chetell