Charter Document - 02840163
| Charter Number: | 02840163 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Summons |
| Date: | 1290 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f98v) |
Charter:
Capitulo Beverlacensi Salutem gratiam et benedictionem Cum in negotio ex officio nostro contra vos ex diu moto super reformatione status ecclesie Beverlacensis ac personali residentia quam a vobis exegimus in eadem ecclesia sicut justum fuerit faciendam pax prout nostis ad Dei et Beati Johannis laudem et ipsius ecclesie utilitatem fuerit reformata ac statum Domini Petri Prepositi Beverlacensis et successorum suorum in prepositura eadem quantum ad quedam que commodum ipsorum et utilitatem ipsius ecclesie Beverlacensis respicere dignoscuntur ac insuper Precentoris Sacriste Cancellarii et septem clericorum de Berefeld ordinationi nostre de consilio vestro usque in aliud tempus magis congruum ex certis considerationibus re servaverimus faciende vobis sub pena canonice districtionis firmiter injungendo mandamus quatinus memoratos Prepositum [Precentorem] Sacristam Cancellarium et septem clericos de Berefeld precise et peremptorie citare curetis quod propter negotii vehementiam statum contingentis eorundem personaliter compareant coram nobis in capitulo nostro ecclesie Beverlacensis die Lune proxima ante instans festum Beati Michaelis super reformatione status ejusdem ecclesie et residentia personali quam requirimus ab eisdem ordinationem nostram audituri et ulterius facturi et recepturi juxta qualitatem et naturam negotii contra ipsos hactenus inchoati quod justitia sua debit Quid igitur super premissis omnibus et singulis quantum ad citationem pertinet faciendam in forma predicta feceritis nos per vestras patentes litteras harum de verbo ad verbum seriem continentes non tardetis pro loco et tempore reddere certiores Dat apud Burton x Kalendas Julii pontificatus v