Charter Document - 02840161

In Dei nomine Amen Tenore presentium pateat universis quod cum venerabilis pater Dominus Johannes Dei gratia [] a canonicis ecclesie Sancti Johannis Beverlacensis residentiam canonicam tam a jure communi quam precipue ex constitutione seu ordinatione primaria Adelstani dudum Anglie regis illustris notorie debitam ex officio sue ordinarie potestatis procedens contra eosdem repetitis vicibus exegisset et super hoc contra eosdem per diversas citationes prefixione et assignationes dierum pluribus temporum curriculis diutius processisset prout in processu super hoc habito et sigillo ejusdem patris signato plenius continetur demum anno gratie MCC nonagesimo xij Kalendas Julii videlicet die Martis proxima ante festum B[eati] Johannis Baptiste in capitulo ejusdem ecclesie B[eati] Johannis Beverlacensis coram patre predicto presente Magistri Johannes de Peninston Walterus de Glovernia Robertus de Pikering Willelmus de Lincolnia Willelmus de Haxeby et Henricus de Carleton canonici ejusdem ecclesie B[eati] Johannis Beverlacensis personaliter presentes ibidem et post tractatum per viam pacis tunc et alias habitum super negotio supradicto advertentes circumspectius fore amicabiliter rem decidi quam sub discrimine litis future per ambigua [] a [verti] processuum judiciali calculo terminari Tandem concorditer et unanimiter communi consilio concesserunt expresse Quod omnes iidem canonici decetero in eadem ecclesiis B[eati] J[ohannis] B[everlacensis] residentiam per viginti quatuor septimanas in anno continuam seu interpellatam per menses vel septimanas ad minus a festo Sancti Michaelis proximo futuro annis singulis faciant personalem ita quod portiones aliorum quos forsan uno anno vel alio abesse contigerit quantum ad corrodium de Bederna et quicquid ad eosdem absentes quoad oblationes altaribus vel in ecclesia noscitur pertinere ceteris quos residere contigerit singulis annis accrescant portione venerabilis viri Magistri Willelmi de Luda canonici ejusdem ecclesie quantum ad oblationes ejusdem ecclesie canonicatu quem optinet deputata dumtaxat excepta corrodium tamen spectans ad prebendam suam si ipsum vel alium de successoribus suis non contigerit residere ceteris residentibus accrescat Quod si eodem Magistro Willelmo vel aliquo de successoribus suis non contigerit residere ceteris residentibus accrescat Quod si eodem Magistro Willelmo vel aliquo de successoribus suis in eadem prebenda forsitan residente aliquos de aliis canonicis non contigerit residere sibi vel alii de successoribus suis ut parilitas hinc inde servetur de oblationibus spectantibus ad absentes omnino nichil accrescat Idem vero pater predictus versa vice eorundem canonicorum humilitatem devotionem et bonam fidem attendens oblatam sibi residentiam hujusmodi ad quam ipsos et omnes successores suos in prebendis quas inpresentiarum optinent necnon et canonicum prebendarum altaris B[eati] Martini in ecclesia Sancti Johannis Beverlacensis et ejus successores in prebenda quam optinet in presenti de consensu unanimi et expresso omnium dictorum sex canonicorum totaliter in forma predicta astringi voluit ordinabiliter et decrevit salvo jure ordinarie potestatis benigne admisit ad devotam ipsorum instantiam favorabiliter concedens eisdem quod cum aliqui eorundem canonicorum residentiam per duodecim septimanas in ecclesia predicta peregerint personalem deductionem pro portionibus aliorum non residentium quoad corrodium et oblationes pro rata tanti temporis superius designatam sine calumpnia qualibet protinus facere valeant et illas unacum suis propriis percipere portiones Ita tamen quod idem canonici non minus teneantur ad residentiam aliarum duodecim septimanarum anni plene et fideliter adimplendam nisi justum impedimentum occurrat super quo capitulo Beverlacensi legitime fides fiat Statum vero Domini Petri Prepositi Beverlacensis et successorum suorum in prepositura eadem quantum ad quedam que commodum ipsorum et utilitatem ejusdem ecclesie B[eati] Johannis respicere dinoscuntur ac insuper Precentoris Sacriste Cancellarii et septem clericorum de Berefeld ejusdem ecclesie idem pater ordinationi sue de consilio canonicorum ejusdem ecclesie usque in aliud tempus magis congruum faciende ex certis considerationibus reservavit In quorum omnium testimonium atque robur sigillum Domini Archiepiscopi ac sigillum Capituli ecclesie predicte Beverlacensis presentibus per modum cirograffi confectis apposita sunt hinc inde Actis et datis anno gratie die et loco predictis