Charter Document - 02830387

Notum sit omnibus presens scriptum inspecturis quod cum inter Abbatem et conventum sancti petri de salopesberia ex una parte et priorem et conventum de Wenelok ex altera questiones diverse coram iudicibus diversis tam in foro ecclesiastico quam etiam seculari mote fuissent lites tandem ipse nec non et alie que tempore huius compositionis moveri poterant inter partes ipsas sub hac forma conquieverunt videlicet quod dicti prior et conventus de Wenelok concesserunt dictis Abbati et conventui molendinum suum de Suttun[] cum Insula in qua idem molendinum situm est et trencheis ibidem factis et racionabilibus attachiamentis ex utraque parte ripe et cum via ad ducendum plaustrum sufficienti tendente a regia strata in descensu usque ad molendinum predictum Ita quod si per ipsorum Abbatis et conventus fraudem vel negligentiam iidem prior et conventus in terris suis dampnum senserint hoc eis visu legalium hominum sine more dispendio restaurabitur et pro hac concessione licium et causarum sedatione solvent dicti Abbas et conventus Salopesberie dictis priori et conventui de Wenelok[] viii marcas argenti apud Wenelok[] annuatim ad duos terminos anni videlicet in octaba sancti michaelis iiii marcas et in octaba Annuntiationis beate marie iiii marcas sub pena duplici in singulis terminis quibus per dictos Abbatem et conventum in dicta solutione concessatum extiterit committenda et una cum principali debito sine more dispendio solvenda adeo quod licebit dictis priori et conventui molendini predicti possessionem auctoritate propria ingredi omnibusque ad ipsum molendinum spectantibus libere uti frui donec tam de dicto debito quam etiam pena fuerit plene satisfactum Rata nichilominus manente ex tota obligatione principali si vero dicti prior et conventus cum molendinum predictum modo prescripto possederint in ipsius restitutione autem etiam sustentatione necessarias expensas fecerint licebit eis insuper dictum molendinum cum omnibus ad illud pertinentibus pacifice retinere donec super expensis ipsis sibi fuerit per dictos Abbatem et conventum plene satisfactum rata nicholominus manente in omnibus forma superius annotata Nec licebit dictis Abbati et conventui molendinum sepedictum alienare aliquo modo vel alicui ad firmam dare nisi dictis priori et conventui super predictis omnibus fideliter observandis sufficienter per ydonee primitatus caveatur et ad hec per omnia et in omnibus fideliter observanda utraque pars bona fide iuramento corporaliter prestito se astrinxit Ratis manentibus omnibus instrumentis ante huius instrumenti confectionem inter dicta monasteria confectis In huius rei testimonium tam dicti Abbas et conventus quam etiam prior et conventus memorati huic instrumento in modum Cyrographi confecto signa sua apposuerunt Actum die veneris proxima post festum sancti Johannis ante portam latin[] anno gratie mccxl apud Salopesberiam Hiis testibus magistris Johanne Archidiacono salop[] Nicholao de Withibrac Willelmo de Poywik et multis aliis