Charter Document - 02830278

Hec est conventio facta inter Willelmum dei gratia abbatem salopesberie et eiusdem loci Conventum ex parte una et Stephanum filium Stephani de Ocleg[] ex altera videlicet quod cum supradictus abbas aramiasset quamdam assisam coram magistro ada de crokdayk[] et Willelmo Inge justiciariis domini regis apud salopesberiam die lune proximo post mensem pasche Anno regni regis domini Edwardi filii regis Henrici vicesimo secundo versus predictum stephanum de ocleg[] de quodam stangno levato in Norton[] en hales ad nocumenti liberi tenementi cuiusdam molendini ipsius abbatis in betton[] subtus limam et per recognitionem ipsius stephani et iuratorum ipsius assise inventum fuisset et recognitum coram prefatis iusticiariis quod stagnum illud levatum esset per predictum stephanum ad nocumentum ipsius abbatis ut predictum est et per decretum dictorum iusticiariorum per visum iuratorum ipsius assise prosterneretur et omnia nocumenta dictum stagnum tangencia per eosdem iuratoros essent totaliter emendata Nichilomus tunc tamen omnibus sic peractis communibus amicis intervenientibus postea inter ipsos abbatem et conventum et dicta stephanum ita convenit videlicet quod predicti abbas et conventus concesserunt pro se et successoribus suis quod predictus stephanus et heredes sui reficere possint et reparare predictum stagnum et ipsum habere et tenere libere et quiete et pacifice sibi et heredibus suis prout melius et commodius sibi viderint expedire sine impedimento reclamatione seu contradictione predictorum abbatis et conventus imperpetuum Salva tamen dictis abbati et conventui et eorum successoribus libera piscaria sua per totum feodum eorum in aqua de tyrne antiqua debita consueta Et preterea supradicti abbas et conventus dederunt et concesserunt et presenti scripto suo confirmaverunt predicto Stephano dictum molendinum suum de betton[] cum toto situ et cursu aque ipsius molendini Habend et tenend ad feodi firmam sibi et heredibus suis cum tota secta manerii sui de betton[] et cum omnibus viis et semitis ad dictum molendinum pertinentibus inperpetuum Reddendo inde annuatim sibi et successoribus suis idem Stephanus et heredes sui ad manerium eorum de betton[] octo marcas argenti ad duos anni terminos videlicet unam medietatem ad festum sancti martini in hyeme et aliam medietatem ad festum ascensionis domini pro omni servitio exactione et demanda Ita videlicet quod si contingat predictum stephanum vel heredes suos in solutione predicti redditus in parte vel in toto ad terminos memoratos deficere liceat predictis abbati et conventui et eorum successoribus auctoritate propria dictum molendinum ingredi et omnia commoda et proficua inde proveniencia capere et in proprios usus suos habere donec de predicto redditu plenarie fuerit eisdem satisfactum principali demanda ipsius redditus aperte in suo robore permanente Et nichilominus concessit predictus Stephanus pro se et heredibus suis quod predicti abbas et conventus et eorum successores qui pro tempore fuerint potestatem habeant ex robore huius conventionis ipsum et heredes suos per omnes terras et tenementa sua res et redditus et possessiones suas que nunc habent vel que in preteritum sunt adepturi in quorum manibus vel potestate devenerint tam in ocleg in comitatu Stafford[] quam in norton in feodo ipsius abbatis et alibi distringere et ipsam districtionem ad manerium suum de betton[] fugare et ibidem tenere donec de predicto redditu plenarie fuerit eisdem satisfactum ut predictum est non obstante quod dicta villa de ocleg[] sit in comitatu diverso et sic dicta tenementa predictis abbati et conventui et eorum successoribus imperpetuum obligata pro dictis octo marcis quicquid de molendino predicto boni vel mali contingat reservata similiter dictis abbati et conventui et eorum successoribus integra et perpetua potestate prosternendi supradictum stangnum quocienscumque per octo dies in solutione dicti redditus fuerit cessatum quod quidem stagnum post redditum solutum per predictum stephanum et heredes suos licite poterit iterato reparari Dicti vero abbas et conventus et eorum successores predictum molendinum de betton[] cum omnibus sectis viis et semitis ad ipsum spectantibus predicto Stephano et heredibus suis contra omnes mortales warentizabunt acquietabunt et defendent et maxime contra dominos de mokleston[] qui pro tempore fuerit ipsum stephanum et heredes suos totaliter conservabunt indempnes Ita videlicet quod si dictus stephanus vel heredes sui per defectionem dictorum abbatis et conventus aliquid solverint dominis de mokleston[] de redditu quod exigunt de molendino predicto fiat eidem et heredibus suis recompensatio et allocatio ipsius solutionis in proximo sequente termino solutionis dictarum octo marcarum imperpetuum Si vero contingat predictum molendinum vel stagnum ipsius molendini per inundationem aque quoquo modo deteriorari vel submergi liceat predicto stephano et heredibus suis ipsum molendinum reficere et reparare secundum quod melius sibi viderint expedire in loco tunc vel prope locum quo nunc est et stagnum predictum exutraque parte ripe pro voluntate sua similiter reficere reparare et exaltare de terra tunc abbatis et conventus eisdem non noticia ad emendandum ea que sunt in comitatu Salopessirie et alibi non Quod quidem molendinum a loco vel prope locum quo nunc est sine consensu et voluntate dictorum abbatis et conventus nunquam ammovebitur Quod si per consensum utriusque partis ammoveatur ex tunc cesset solutio redditus domino de mokleston[] ita quod predicto stephano de predictis octo marcis nichil ulterius allocabitur Proviso similiter quod dictus stephanus et heredes sui habeant liberum cariagium ultra feodum abbatis de omnibus necessariis ad molendinum predictum cariandis exceptis tamen bladis et fenis de sectatoribus vero dicti molendini si blada sua cuiuscumque generis sint alibi quam ad molendinum predictum molaverint predictus Stephanus et heredes sui tolonetum suum recuperent per se vel suos in curia tum de betton[] salvis dictis abbati et conventui emendis et amerciamentis inde provenientibus In cuius rei testimonium utraque pars huic scripto in modo cyrographi confecto sigilla sua alternatim apposui Hiis testibus Dominis Willelmo de tytteleg[] tunc vicecomite salop[] Willelmo de hodenet Thoma corbet Roberto bromleg[] Henrico de crassawelle militibus Reginaldo de Schanynton[] Willelmo de Norton[] Willelmo de calverhale Philippo de dunstal et aliis Datum et actum Salop[] mense May Anno domini mcc nonaginto quarto