Charter Document - 02830277

Cum discordia mota esset inter viros Religiosos abbatem et Conventum salopsberie ex parte una et burgenses et communitatem ville salopesberie exaltera super quatuor Insulis dudum subortis in aqua sabrine inter pontem qui vocatur le stonene brugge et fratres predicatores Quas quidem insulas predicti religiosi clamabant esse suas ratione feodi eorum ex utraque parte aque predicte Tandem communibus amicis intervenientibus dicta discordia in hunc modum conquievit videlicet quod predicti religiosi remiserunt pro se et successoribus suis predictis burgensibus et eorum heredibus tres insulas predictas muro ville salopesberie propinquiores Quarta tunc insula que est propinquior gardino monachorum ipsis religiosis pleno iure retenta et reservata Habend et tenend tres insulas predictas predictis burgensibus et heredibus suis in statu tunc quo nunc sint tam in alto quam in basso longitudine et latitudine in usus suos proprios sine alienatione inde quibuscumque facienda et maxime viris religiosis seu magnatibus per quos ius ipsorum religiosorum poterit impediri sine impedimento seu contradictione dictorum religiosorum imperpetuum Ita videlicet quod non liceat predictis burgensibus vel heredibus suis seu quibuscumque nomine ipsorum aliquod opus manuale in eisdem insulis facere ut in molendinis gurgitibus piscariis ingeniis domibus seu allis quibuscumque proficiis seu commoditatibus sed tamen habeant herbam et arbores in ipsis insulis crescentes absque aliis quibuscumque commoditatibus imperpetuum Que si fecerint per predictos religiosos et eorum successores prosternantur sine contradictione dictorum burgensium et heredum suorum inperpetuum Quarum vero trium insularum mensura hec est insula que est proprinquior ville Salopesberie continet in longitudine decies viginti et duos pedes et in latitudine in medio insule sexaginta quatuor pedes et in capite versus pontem continet in latitudine sexdecim pedes et in parte versus fratres predicatores continet in latitudine sex pedes et est eius altitudo a profundo aque usque ad summum novem pedes Secunda vero insula que est media continet in longitudine duodecim viginti et iiii pedes et in latitudine in medio continet triginta duos pedes et in latitudine in capite versus pontem continet undecim pedes et in parte versus fratres predicatores continet in latitudine duos pedes et est eius altitudo a profundo aque usque ad summum novem pedes Tercia vero insula que est proprinquior fratribus predicatoribus continet in longitudine septies viginti et quatuor pedes et in latitudine in medio quinquaginta pedes et quinque pedes et in capite versus pontem continet in latitudine sexdecim pedes et in parte versus fratres predicatores continet in latitudine sex pedes et est eius altitudo a profundo aque usque ad summum octo pedes Que quidem insule iuxta mensuram predictam sine incremento seu exaltatione predictis burgensibus et heredibus suis in forma predicta imperpetuum remaneant salvis semper eisdem Religiosis et eorum successoribus omnibus iuribus suis et libertatibus et eysiamentis et antiquis et consuetudinibus tam in aqua predicta quam in ripis ex utraque parte habitis et ab antiquo usitatis Ita quod nec predicti burgenses nec eorum heredes nec aliquis nomine ipsorum aliquod novum ius in aqua predicta seu in ripis eiusdem ratione remissionis predicte de cetero vendicare poterint seu imperpetuum clamare Proviso similiter quod predicta aqua habeat liberum cursum suum tam inter predictas insulas decurrens quam inter ripam propinquiorem muro ville salopesberie et insulas memoratas adeo libere ad minus et late quo nunc aqua memorata decurrit sine aliqua diminutione inde facienda imperpetuum Pro hac autem remissione et quieta clamancia supradicti burgenses et heredes sui remiserunt pro se et heredibus suis predictis religiosis et eorum successoribus duos solidos annuos de illis quadraginta solidis quos dicti religiosi solvere tenentur predictis burgensibus pro vigilia Nundinarum suarum sancti petri ad vincula Ita quod de cetero nichil solvant predictis burgensibus nisi triginta et octo solidos pro vigilia memorata Et si forte contingat temporibus futuris predictas insulas per inundationem aque vel incursum arene seu quocumque alio modo vel casu exaltari seu augeri seu eciam contingat cursum aque in locis predictis aliquo modo vel casu impediri fiat inde detrementum et emendatio per predictos burgenses et heredes suos propriis sumptibus dictorum burgensium et heredum suorum ad petitionem et premunitionem dictorum religiosorum et eorum successorum imperpetuum Quod si forte dicti burgenses seu eorum heredes semel et tercio requisiti hoc facere recusaverint liceat predictis Religiosis et eorum successoribus dictum incrementum prosternere et emendationem inde facere per se et suos sumptibus predictorum burgensium et heredum suorum imperpetuum quos quidem sumptus dicti burgenses et heredes sui dictis religiosis et eorum successoribus fideliter et sine contradictione per considerationem quatuor proborum et legalium hominum ex utraque parte electorum refundent Quod si gratis et sine contentione hoc facere recusaverint liceat dictis religiosis et eorum successoribus dictos sumptus si necesse fuerit per visum predictorum quatuor legalium hominum retinere de triginta et octo solidis quos dicti religiosi eisdem burgensibus solvere tenentur pro predicta vigilia Nundinarum suarum sancti petri ad vincula non obstante aliquo instrumento inter predictas partes prius inde confecto Salvis semper predictis Religiosis et eorum successoribus ac eorum subditis ad eorum precepta seu ballivis suis libera facultate dictas insulas ingrediendi ad supervidendum quod omnes iste conventiones fideliter subserventur Et ad hanc conventionem fideliter et sine fraude tenend utraque pars fide media corali prestito sacremento huic scripto ad modum cyrographi confecto sigilla sua alternatim apposuit Hiis testibus Domino Rogero extraneo Petro corbet Roberto corbet Thoma corbet Waltero de beysin Petro de eyton[] militibus Johanne de Esthope Thoma de la Hyde Ricardo hord[] et aliis Data salop[] mense aprilis Anno regni regis domini Edwardi vicesimo quarto