Charter Document - 02820360

Omnibus Christi fidelibus presentis scriptum visuris vel audituris Willelmus Dei gratia Abbas Rameseie salutem in Domino Sciatis nos tradidisse hominibus nostris de Hemyngforde manerium nostrum de Hemyngforde ad firmam a festo Sancti Michaelis anno regni Regis Edwardi filii Regis Henrici octavo incipiente nono usque ad exitum septem annorum proximo sequentium pro quadraginta libris sterlingorum nobis inde solvendis annuatim ad quatuor terminos scilicet ad festum Sancti Michaelis decem libris ad festum Sancti Andree decem libris in Annunciatione Beate Marie Virginis decem libris et in Nativitate Sancti Johannis Baptiste decem libris Tenebunt itaque predicti homines nostri predictum manerium cum omnibus pertinentiis suis preter donationem ecclesie cum illam vacare contigerit et preter piscariam nostram et molendinum que in manu nostra retinuimus Habebunt etiam omnes proventus ipsius ville preter talliagia nostra et preter auxilium vicecomitis hundredi et preter wardpenys et scutagium domini Regis et preter exitum causarum illarum que sine nobis vel ballivis nostris terminari non poterunt de quarum exity habebunt medietatem et preter visum franci plegii et preter acram mandati et acras Prepositi Rameseie Et sciendum quod si aliquis custumarius sine herede de progenie sua exeunte decesserit nos tradamus terram suam et mesuagium suum cuicunque voluerimus et gersumam inde provenientem penes nos retinebimus Nullus etiam custumarius finem faciat pro filiabus suis alleviandis vel maritandis absque nostra presentia sed coram nobis fiant gersume earum presentibus prepositis vel aliquibus de firmariis quo dictam pecuniam habeant et colligant versus firmam suam Nec licebit dictis firmariis aliqui extraneo seu de alieno homagio domum vel terram tradere sine licentia nostra speciali Volumus enim quod hujusmodi gersume ultra certam firmam nobis integre persolvantur Receperunt autem dicti firmarii tale imple mentum Grangia frumenti plena frumento ex utraque parte hostii per postes hostii et per trabes ultra hostium et sic indirectum usque in summitatem grangie Receperunt etiam horreum avene plenum avene per postem hostii versus orientem Latitudo autem grangie erat viginti octo pedum intus Longitudo triginta novem pedum Et ipsa grangia rotunda erat versus orientem Altitudo vero in medio novem decem pedum In latere vero ab hostio usque ad uncium rotunditatis erat longitudo parietis triginta pedum Receperunt etiam tassum hordei longitudinis triginta sex pedum latitudinis undecim pedum altitudinis undecim pedum in latitudine in medio octodecim pedum Quieti autem erunt de serviente in autumno singulis annis preterquam in ultimo autumno in quo habebunt servientem per cujus visum secundum consuetudinem abbatie fiet imple mentum Quieti etiam erunt de hospitio nostro annuo et debito excepto eo quod quotienscunque ibi venerimus invenient nobis sal stramen et fenum sine compoto Finitis vero septem annis reddent nobis predictum manerium cum tali imple mento cum quali illud receperunt Reddent etiam terram bene bis aratam Et sciendum quod fructus qui tunc fuerunt in horreo computari debent pro primo anno quia fuerunt de nostro imple mento In hujus siquidem traditionis terre et manerii testimonium presenti scripto sigillum nostrum fecimus apponi