Charter Document - 02792312

Omnibus Christi fidelibus presens scriptum visuris vel audituris [] subdecanus et capitulum ecclesie Lincolniensis salutem in omnium saluatore Dum ad devotam et benivolam affectionem quam dominus Johannes de Betun capellanus degens sub alis et in cimiterio nostre ecclesie Lincolniensis ad ipsam ecclesiam et nos gessit hactenus suamque gratitudinem immensam nostre consideracionis aciem dirigimus ipsum conspicimus per eandem ecclesiam graciosis fauoribus prosequendis sperantes ex eo in posterum sue devocionis et gratitudinis incrementum Cum igitur idem dominus Johannes duo mesuagia in Linc[] de nobis et ecclesia predicta nunc teneat unum pro duabus solidis annuis nobis ad opus commune nostre reddendis scilicet in parochia ecclesie sancti Petri lapide cooperte quod Robertus dictus Scotus de nobis quondam tenuit iacens inter terram [] prioris de Sempringham ex parte boriali et seldas quondam Johannis de Sollario ex parte australi et extendit se a via regia de noua Hundegate ex parte occidentali usque ad terram quondam Hugonis de Eboraco versus orientem et aliud mesuagium pro quatuor solidis ad opus commune nostre nobis similiter annuatim reddendis videlicet in parochia sancte Marie de Crakepol in Alde hundegate quod iacet inter terram quam Thomas le Drapur de nobis tenet ex parte boriali et terram monachorum Ebor[] ex parte australi et extendit se a via regia de Aldehundegate ex parte occidentali usque ad terram Roberti de Hertheby ex parte orientali que quidem mesuagia cum edificia in eisdem diruta et ipsa quasi vasta nunc existant idem dominus Johannes redditu nimio esse asserit onerata dicens et promittens quod si ipsum redditum vellemus dum viveret moderari arreragia que eidem remittere se velle sumptus apponere [ex quibus proveniet] commodum ecclesie et [edi]ficia construere in eisdem Nos dictis et promissionibus huiusmodi fidem adhibentes eidem domino Johanni omnia arreragia de dicto redditu nobis et ecclesie pro tempore suo debita remittimus simpliciter atque pure sibi concedentes ex gratia speciali quod in tota vita sua dicta mesuagia de nobis et ecclesia nostra teneat et habeat Reddendo inde nobis per manus clerici commune nostre qui pro tempore fuerit tres solidos annuatim videlicet pro illo mesuagio in parochia ecclesie sancti Petri lapid[e] cooperte duodecim denarios et pro illo mesuagio in parochia sancte Marie de Crakepol in Aldehundegate duos solidos pro omnibus seruiciis et demandis Ita quod post d[ecess]um suum ad annuum redditum pristinum ac debitum reuertantur et totum residuum redditus predicti eidem Johanni in tota vita sua dum tamen tres solidos annuos fideliter solvet ut predictum est omnino remittimus ac ipsum eidem quietum clamauimus et in tota vita sua ultra dictos tres solidos non teneri per presens scriptum recognoscimus et fatemur In cuius rei testimonium huic scripto in modum cirograffi confecto tam nos parti penes dictum dominum Johannum quam idem dominus Johannes parti penes nos remanenti sigilla nostra mutuo apposuimus Hiis testibus magistro Radulfo Barry cancellario domino Gilberto Dayvile thesaurario et magistro Henrico de Beningworth subdecano ecclesie Lincolniensis Alexandro filio Martini tunc civitatis Lincolniensis maiore Johanne dicto Kempe et Nigello Sistrik tunc eiusdem civitatis prepositis Dat[] Linc[] die Sabbati proxima ante festum sancti Ambrosii anno domini mccc septimo