Charter Document - 02748647
| Charter Number: | 02748647 |
|---|---|
| Cartulary Title: | The Registrum Antiquissimum of the Cathedral Church of Lincoln |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1239 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus seruus seruorum dei dilectis filiis de Oseney ac de sancta Fretheswida et de Chaucumba prioribus Lincolniensis dioecesis salutem et apostolicam benediccionem Dilectus filius Iohannes de sancto Egidio rector ecclesie de Lectun nobis conquerendo monstrauit quod abbas et conuentus de Eynesham W miles et quidam alii Lincoln et Couentrensis ciuitatum et dioecesium super quibusdam decimis possessionibus pecunie summa et rebus aliis iniuriantur eidem Preterea abbatissa et conuentus Fontis Ebraudi eiusdem Lincoln dioecesis capellam quamdam infra limites parochie ipsius ecclesie temeritate propria construere presumserunt in suum et eiusdem ecclesie preiudicium et grauamen Ideoque discretioni uestre per apostolica scripta mandamus quatinus partibus conuocatis audiatis causam et appellacione remota usuris cessantibus fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint per censuram eandem appellacione cessante cogatis ueritati testimonium perhibere Quod si non omnes hiis exequendis potueritis interesse duo uestrum ea nihilominus exequantur Dat Lateran iiij idus Decembris pontificatus nostri anno xij
Source (click image below to view full size)
