Charter Document - 02741096

Uniuersis sancte matris ecclesie filiis G prior et conuentus canonicorum Hospitalis Linc de ordine de Sempingham salutem et oraciones Uniuersitati vestre notum fieri volumus nos de communi assensu et voluntate fratrum nostrorum reuerendo patri nostro Hugoni dei gracia Linc episcopo et venerabili eiusdem ecclesie capitulo firmiter et solempniter promisisse quod clericum quendam idoneum in ordine presbiteratus uel diaconatus uel subdiaconatus inperpetuum stipendiis nostris et inpensis exhibebimus qui possit in ecclesia predicta in diuinis congrue ministrare Qui si ob causam rationabilem debeat amoueri eo per predictum capitulum amoto alium eidem capitulo presentare debemus Quod si eo decedente uel amoto alium presentare noluerimus sepe dicto capitulo licebit nos ad clericum idoneum presentandum ecclesiastica cohercione compellere in prebenda de Kanewich quam bone memorie Robertus secundus quondam Linc ecclesie episcopus nobis dedit et dominus Hugo uenerabilis Linc episcopus eiusdem ecclesie et eiusdem ecclesie venerabile capitulum nobis cartis suis benigne confirmauerunt Ut autem hec nostra promissio inuiolabiliter et illibata permaneat presenti scripto et capituli nostri sigillo eam communiuimus Hiis testibus magistro Winemaro subdecano magistro Alexandro archidiacono magistro Hugone de Lundoniis magistro Waltero Albo magistro Rogero Paruo Godefrido suppriore Henrico Nigro Rogero Maleber Augustino canonico Johanne canonico de Hospitali