Charter Document - 02740948

Memorandum quod die dominica qua cantatur Quasi modo geniti anno domini mccl tercio conuenit inter Simonem de Jarewell clericum domini Henrici Lincoln ecclesie decani ex parte vna et Rogerum de Alfredesfeld ex altera quod idem Rogerus custodiet prebendam dicti domini decani apud Langeford a die sancti Dunstani proximo venturo vsque ad festum sancti Michaelis proximo subsequens quo termino respondebit eidem decano de quinquaginta septem quartariis et dimidio frumenti triginta quartariis ordei octoginta et octo quartariis auene viginti quatuor bobus iusti precii de quatuor libris quinque solidis et sex denariis de precio feni quod recepit de anno defuncti canonici predecessoris dicti domini decani vel de feno ad valenciam Item de medietate omnium prouentuum escaetarum placitorum curie de Langeford releuiorum et ceterorum perquirendorum de curia predicta a dicto festo sancti Dunstani vsque in festum sancti Dunstani anno domini mccl quarto alia medietate sibi reseruata Habebit autem idem Rogerus omnes redditus et operas hominum de predicta prebenda tenencium tam liberorum quam villanorum per predictum terminum Exceptis operis ad culturam terre spectantibus quas idem decanus sibi retinuit Soluet autem idem Rogerus domino decano de prefata prebenda quater viginti marcas terminis subscriptis apud Linc videlicet in festo Natalis domini anno gracie mccl tercio viginti septem marcas ad Pascha proximo sequens viginti septem marcas et ad festum sancti Petri ad Uincula proximo subsecuturum viginti sex marcas sub pena in obligacione dicti Rogeri super hoc confecta contenta Libertates eciam prebende predicte in omnibus et per omnia tuebitur domos muros fossatas et alia omnia ad manerium spectancia in statu quo ea recepit seu meliori conseruabit Terras eciam dicte prebende fideliter excoli faciet et homines de eadem prebenda tenentes honeste tractabit Omnia eciam onera eiusdem prebende sumptibus suis sustinebit nisi quando pro negociis et iuribus eiusdem ipsum ad curiam regiam vel alibi in partes remotas proficisci contigerit quo tempore de expensis suis dominus decarnus ei satisfaciet Si autem eundem decanum infra termina memoratum apud Langeford accedere contigerit dictvs Rogerus inueniet ei per octo dies fenum ad viginti quatuor equos et literam ac focagium ad braciandum et furnandum et ad coquinam Si autem vltra octo dies moram ibidem fecerit inueniet ei fenum singulis diebus et noctibus pro vno obolo ad equm Dabit que ei aucam pinguem pro duobus denariis vsque ad dimidiam marcatam gallinam pro denario et duos pullos pro denario vsque ad quinque solidatas et octo columbellos pro denario vsque ad duodecim denariatas Emet que frumentum et viginti quartarios ordei et auene cum fuerit inde premunitus Et faciet inde propriis sumptibus ad opus dicti domini decani braisium Et ad hec omnia fideliter obseruanda dictus Rogerus quantum in ipso est fide media se obligauit In cuius rei testimonium memoratus Rogerus huic memorando signum suum apposuit Memoratus eciam dominus decanus factum dicti clerici sui ratificans huic scripto signum suum in testimonium fecit appendi Dat dicto die dominica apud Langeford anno domini mccl tercio