Charter Document - 02740821
| Charter Number: | 02740821 |
|---|---|
| Cartulary Title: | The Registrum Antiquissimum of the Cathedral Church of Lincoln |
| Charter Language: | Latin |
| Charter Origin: | Lay |
| Charter Type(s): | Bond |
| Date: | 1219 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus sancte matris ecclesie filiis has litteras uisuris uel audituns Magister Petrus de Paxtun salutem in domino Nouerit uniuersitas uestra me esse obligatum erga dominum abbatem et conuentum de Sancta Cruce de Edenburgo de tresdecim marcis esterlingorum et tribus solidis et iiij denariis quas eis soluturus sum apud Huntedunam uel fratri Willelmo hospitalis de Huntedona quem loco illorum statuerunt ad tres terminos scilicet tres marcas et iiij denarios ad Purificationem beate Marie et quinque marcas ad mediam Quadragesimam et quinque marcas ad ultimum in octauis clausi Pasce et pro hiis denariis obligaui illis Bibliotecam meam et Codicem meum et Digestum Nouum cum tribus partibus et Inforciatum cum Institutionibus et super hoc promisi procuratoribus illorum scilicet domino Radulfo et domino Dauid sub religione iuramenti mei presentibus fratre Willelmo hospitalis de Huntedona et Philippo et Symone capellanis meis et aliis sentientibus meis quod ego soluam eis annuas sex marcas quas ego debeo illis ad festum sancti Botulfi nomine ecclesie de Paxtun sine omni malo ingenio vel fraude aliqua que possint interuenire et ad maiorem securitatem illorum presens scriptum sigilli prioris de Huntedona et fratris Willelmi prenominati et mei proprii munimine feci communiri Hoc autem scriptum factum est apud Paxtun in uigilia sancti Andree anno ab Incarnatione domini MCC nonodecimo
Source (click image below to view full size)
