Charter Document - 02740819
| Charter Number: | 02740819 |
|---|---|
| Cartulary Title: | The Registrum Antiquissimum of the Cathedral Church of Lincoln |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1213 - 1215 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis ad quos presens scriptum peruenerit S dei gracia Cantuarienisis archiepiscopus tocius Anglie primas et sancte Romane ecclesie cardinalis salutem in domino Ex commisso nobis cure pastoralis officio paci et securitati uirorum religiosorum super hiis que eis racionabiliter collata sunt tenemur prospicere et eorum maxime quos predecessores nostri suis ante nos confirmacionibus muniuere Hinc est quod ad uniuersitatis uestre noticiam uolumus peruenire nos autentica scripta venerabilium predecessorum nostrorum gloriosi martiris Thome et bone recordacionis Ricardi a uiris religiosis canonicis de Edeneburch nobis exhibita inspexisse et ex eorum inspeccione intellexisse eosdem predecessores nostros ecclesiam de Paxtona cum pertinenciis quam Malcolmus rex Scocie canonicis memoratis misericorditer et racionabiliter dedit auctoritate sua confirmasse Vnde ut eorundem predecessorum nostrorum confirmaciones maiorem optineant firmitatem eas sicut racionabiliter concesse et facte sunt auctoritate nostra confirmamus et presentis scripti pagina communimus Hiis testibus magistro Simone fratre nostro magistro Willelmo de Bardenay magistro Roberto de Bristow magistro Thoma officiali magistro Hamone de Crautorp magistro Ricardo de Walingefordia magistro Willelmo de Binninden magistro Henrico de Sancto Edmundo et multis aliis
Source (click image below to view full size)
