Charter Document - 02740800
| Charter Number: | 02740800 |
|---|---|
| Cartulary Title: | The Registrum Antiquissimum of the Cathedral Church of Lincoln |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1124 - 1128 |
| Date type: | Assigned |
| Resource Link(s): |
|
Charter:
D[avid] Dei gracia Rex Scottorum Episcopo Lincoln omnibusque Baronibus suis et amicis salutem Notum sit vobis me excanduisse ecclesie Sancte Trinitatis de Paxtona totam terram suam quam habebat in Parua Paxtona et in Accadena scilicet ix virgatas terre pro vij virgatis in Magna Paxtona scilicet ij virgatas de meo dominio et v de terris villanorum cum ipsis villanis terras illas tenentibus et pro suo herbergato cum suo virgulto quod habebat in Parua Paxtona dedi eidem ecclesie meam dominicam Curiam in Magna Paxtona sicut fossatum circuit Et hoc escambium feci peticione Orgari presbiteri et Osberti capellani mei Et concessi liberaliter in elemosina eidem ecclesie omnem decimam tocius dominii mei et omnium hominum meorum de Magna Paxtona et Parua Paxtona et de Toleslund et de Accedena Et omnem decimam pasnagii mei et piscinam et dominici porci eiusdem ecclesie et dominica animalia et dominice oues et capree liberaliter habeant pascua cum dominicis meis Deinde dedi eidem ecclesie de cremento quamdam croftam ex altera parte ecclesie veluti quoddam fossatum circumcingit Et totam decimam Molendinorum de Paxtona et de mortuo nemore meo ad ardendum in ministeriis ecclesie quantum necessarium fuerit et similiter clausuram de nemore meo Et quicumque de hominibus meis dederit predicte ecclesie aliquid in elemosina in terra aut in reditibus aut in aliis rebus volo et concedo quod ipsa ecclesia habeat et teneat Denique pro anima mea et Matildis uxoris mee et animabus antecessorum et heredum nostrorum volo et firmiter precipio quod predicta ecclesia omnia prescripta liberaliter in elemosina inperpetuum habeat et teneat sicut aliqua ecclesia liberalius tenet Et prior et clerici eiusdem ecclesie in religione canonice eidem ecclesie seruiant Et ex quo Prior obierit si de clericis eiusdem ecclesie religiosus Prior repperiri poterit ad seruiendum religiose ponatur Sin autem consilio meo et Episcopi aliunde religiosus Prior perquiratur ut in ipsa ecclesia semper religio honeste et attente conseruetur Omnes autem predictas consuetudines et rectitudines et quietationes et libertates quas predicte ecclesie de Paxtuna concessimus inperpetuum in elemosina ecclesie de Canbestuna easdem concedimus et confirmamus Huius autem donacionis et concessionis et confirmacionis sunt testes Walchelinus capellanus et Alwinus capellanus Robertus de Brus Willelmus Peuerellus Robertus de Vmframuill Hanenaldus de Bidun Hugo vicecomes Hugo de Moruilla Grimbaldus Robertus dapifer Wido de Cahaines Robertus filius Vitalis Robertus Foliot Walterus de Lindeseia Robertus Corbet Galfridus Ridel Hilbertus Walterus filius Winemer Tailebosc Galfridus Andegauensis Esmundus clericus Willelmus prepositus Ailmarus prepositus Thurchillus Eddredus Alwinus filius Godwini apud Huntendun