Charter Document - 02740726

Omnibus Christi fidelibus ad quos presens scriptum peruenerit Rogerus Brito miles salutem in domino Noueritis venerabiles viros dominos decanum et capitulum ecclesie Linc de mera liberalitate et gracia sua concessisse michi et heredibus meis inperpetuum cantariam habend in capella mea de Waleton sub hac forma videlicet quod ego et heredes mei ibidem capellanum idoneum inueniemus et omnia eidem necessaria sumptibus propriis sine omni adminiculo matricis ecclesie de Cestrefeud Idem eciam capellanus me et heredes meos cum familia nostra et hospitibus nostris ad diuina audienda in dicta capella tantummodo admittet et antequam idem capellanus ibidem celebret tactis sacrosanctis in ecclesia de Cestrefeud coram decano Linc uel coram alio uel aliis nomine ipsius solempniter prestabit sacramentum quod dictam matricem ecclesiam per omnia et in omnibus indempnem conseruabit Ego uero aut heredes mei aut capellanus predictus omnes decimas minutas oblaciones et obuenciones ad dictam capellam qualitercumque prouenientes plene et integre ad dictam matricem ecclesiam deferemus uel deferri faciemus Ego eciam et heredes mei apud Waleton existentes cum familia nostra diebus Omnium Sanctorum Epiphanie Pasche et Assumpcionis beate Virginis dictam matricem ecclesiam sub debita consuetudine et reuerencia visitabimus et ibidem confessiones et omnia alia sacramenta preterquam in necessitatis articulo percipiemus excepto quod pueri mei et heredum meorum in dicta capella baptizabuntur et si voluerint desponsabuntur et vxores nostre ibidem purificabuntur oblacionibus tamen et obuencionibus omnibus illuc racione predictorum prouenientibus dicte matrici ecclesie sine aliqua diminucione persolutis In signum autem et memoriam debite ac perpetue subieccionis dedi pro me et heredibus meis necnon et pro salute anime mee et antecessorum meorum matrici ecclesie de Cestrefeud vnam acram terre quam Gregorius quondam tenuit in campo de Waleton que iacet super Aschebrom versus orientem iuxta quandam culturam datam dicte matrici ecclesie ab antecessoribus meis Ego eciam pro me et heredibus meis tam donacionem meam dicte vnius acre terre quam eciam donacionem omnium terrarum ab antecessoribus meis predicte ecclesie collatarum per hoc presens scriptum meum confirmo Que quidem terre sic distinguntur et in locis subscriptis iacent per particulas videlicet nouem acre iacent super Newehallebarewe septem acre cum octaua quam ego ultimo dedi ecclesie predicte ut premissum est iacent super Aschebrom iuxta uiam que se extendit de Wytebrigge uersus Wyngewrth Item decem acre iacent iuxta Mukelebroc que solent nuncupari Denesgrenes Ego uero et heredes mei ac capellanus predictus utilitati et quieti dicte matricis ecclesie in omnium decimarum solucione et earum fideli et tuta custodia studiose curabimus prouidere Ad premissa autem omnia fideliter obseruanda ego pro me et heredibus meis sacramento corporaliter prestito me obligaui ita scilicet quod si ego aut heredes mei contra premissa in aliquo uenire presumpserimus licebit dicto decano Linc et successoribus suis dictam capellam meam suspendere ipsamque suspensam detinere donec premissa satisfacione competenti graciam a dicto decano qui pro tempore fuerit consequi promeruerimus Et si forte capellanus dicte capelle contra premissa aliquid attemptauerit uel alio modo deliquerit ipsius excessus per decanum Linc uel per alium auctoritate ipsius secundum quod iustum fuerit sine contradiccione alicuius corrigetur In cuius rei testimonium huic scripto cyrographato decanus scilicet et capitulum Linc parti residenti penes dictum militem et idem miles parti residenti penes decanum et capitulum signa sua alternatim apposuerunt Act Linc anno gracie mccxlij in vigilia circumsicionis domini Hiis testibus magistris Willelmo precentore N cancellario Waltero thesaurario et Willelmo subdecano Linc magistris Roberto de Grauele Ricardo Cornubiensi et Waltero de Well dominis Willelmo de Wynchecumb Thoma de Askeby Roberto de Bolesouer canonicis Linc et aliis