Charter Document - 02730534

Nouerint vniuersi presentes litteras inspecturis quod nos Johannes permissione diuina Lincoln[] episcopus de consensu dilectorum in Christo filiorum capituli ecclesie nostre Lincoln[] vicariam in ecclesia de Botenesford[] nostre diocesis quam idem capitulum sibi optinet in vsus proprios auctoritate legitima assignari in forma qua sequitur ordinamus Videlicet quod vicarius qui pro tempore erit in ecclesia antedicta habeat pro manso et habitacione partem illius aree qua est ex parte boriali dicte ecclesie prope cimiterium spectantis ad dictum capitulum videlicet quatenus pro manso et habitacione huiusmodi nunc sufficienter est ordinatum et limitatum per idem capitulum de eadem sumptibus eiusdem capituli edificandam competenter ista vice ab omni exaccione seculari seruicio liberam et inmunem bercaria et reliqua parte dicte aree predicto capitulo reseruatis Quodque idem vicarius habeat dimidiam bouatam terre dominice ad dictam ecclesiam pertinentis cuius pretextu pertinencia ad communam habere valeat in parochia ecclesie antedicte Quodque idem vicarius decimam terricidiorum curtilagiorum fossorum pede et eciam omnes obuenciones et prouentus sub nomine alteragii ad ipsam ecclesiam qualitercumque pertinentes quocumque nomine censeantur excepta dumtaxat decima lane quam vnacum decimis garbarum et feni et cum tota terra dominica preter dimidiam bouatam terre supradictam necnon et cum feno dominico ac redditu annuo et aliis preter alteragium et decimam terricidiorum et curtilagiorum predictorum ordinamus ad dictum capitulum pertinere debere percipiat iure suo sine obstaculo aliquali Et quod capitulum soluat prefato vicario qui pro tempore fuerit centum solidos subscriptis terminis in festis scilicet sancti Martini in yeme et Pentecostes pro equalibus porcionibus annuatim Volumus insuper ac eciam ordinamus quod vicarius huiusmodi clericum competentem in dicta ecclesia inueniate ministrantem et per capellanum per ipsum suis sumptibus inueniendum onus cantarie faciende in capella de Askeby modo consueto procuraciones archidiaconi loci sinodalia et alia ordinaria onera quecumque ipsam ecclesiam contingencia exceptis construccione et reparacione cancelli ecclesie cum construccione et reparacione indiguerit integraliter subeat et agnoscat Extraordinaria vero imposiciones papales subuenciones contribuciones a clero faciendas superindicta et alia emergencia quocumque nomine censeantur pro porcione vicarie sue quam solum ad decem libras ad releuacionem vicarii quo ad dicta onera quamquam in se longe plus valeat taxamus subeat et agnoscat perpetuis temporibus in futurum Ordinamus insuper quod dictum capitulum libros ornamenta ecclesiastica inueniat competencia ista vice et defectus in eis reparet competenter Et vicarius qui pro tempore fuerit libros et ornamenta huiusmodi postmodum inueniat reparet et emendet suis sumptibus competenter Rursum si quid in hac ordinacione nostra obscurum vel ambiguum apparuerit in futurum illud declarandi et interpretandi nobis et successoribus nostris potestatem specialiter reseruamus In cuiusmodi ordinacionis testimonium sigillum nostrum presentibus est appensum Act[] et dat[] in capitulo ecclesie nostre Linc[] quarto idus Maii anno domini mccc decimo