Charter Document - 02730499

In dei nomine amen Memorandum quod cum per nos [] subdecanum et [] capitulum Linc[] ecclesie Adam le Warner de Bolingbrok[] parochianus in prebenda de Asgerby eo quod iura et libertates prebende de Asgerby ad ecclesiam Linc[] spectantis ex erectione cuiusdam ouilis in parochia de Asgerby et aliarum iniuriarum ibidem per ipsum Adam attemptatarum notorie violauit super quibus idem Adam tanquam ex notorietate facti dampnabilis extitit iudicialiter per processum legitimum conuictus in sentenciam maioris excommunicacionis contra violatores seu perturbatores libertatum ecclesiarum promulgate incidisse declaratus fuisset iusticia exigente essetque idem Adam in partibus de Bolingbrok[] ex causa premissa pro excommunicato pupplice nunciatus quidam Henricus de Langeton[] procurator dicti Ade habens sufficiens mandatum in hac parte prout in procuratorio suo apparuit euidenter coram nobis in capitulo nostro Linc[] constitutus asserensque dictum Adam dominum suum graui infirmitate detentum et quasi in extremis constitutum nomine dicti Ada domini sui ne ipse morte preuentus absolucione non obtenta dampnabiliter expiraret a nobis humiliter postulauit vt eidem domino suo in personam suam precipue cum in tanto periculo esset constitutus beneficium absolucionis in forma iuris impendere dignaremur offerens se pro dicto Ada domino suo et eius nomine statim emendam facere pro offensa quam fatetur eundem dominum suum iam ex causa seu causis predictis incurrisse et ex habundanti caucionem offerre ydoneam ac prestare de parendo mandatis et iussionibus nostris necnon et de satisfaciendo plenarie in omnibus pro quibus idem dominus suus sic fuerat excommunicatus prout duceremus super hoc ordinandum sacramentum corporale vnde nos subdecanus et capitulum supradicti aduertentes quod ecclesia gremium suum non claudit penitentibus seu redeuntibus ad eandem ipsum procuratorem nomine dicti domini sui sic penitentem eo libencius duximus admittendum quod idem dominus suus ex graui infirmitate debilitatus prout de hoc ibidem nobis extitit facta fides personaliter adesse non potuit prestito igitur iuramento a procuratore predicto de parendo mandatis nostris necnon de fideliter respondendo ad interrogaciones sibi ex parte nostra faciendas Idem procurator interrogatus recognouit in virtute iuramenti prestiti et in animam dicti Ade domini sui dictum Adam dominum suum nullum ius seu clamium habere ad erigendum seu tenend ouile in parochia de Asgerby absque licencia prebendarii de Asgerby petita et optenta renuncians pro se et domino suo ac omnibus successoribus suis omni iuri quod sibi competere poterit ex quacunque causa in dicto ouili leuando cum sibi hactenus nullum compeciit nec competit in presenti et sic absolucione a nobis in forma iuris optenta iniunctum est eidem Ade in personam procuratoris sui predicti quod faldam seu ouile in parochia de Asgerby de cetero erigere seu leuare non presumat nec quicquam in preiudicium libertatum prebende de Asgerby per se vel per alium clam vel palam decetero attemptabit sub pena periurii et infamie quam ex nunc volumus ipsum Adam ipso facto incurrere si contra iuramentum procuratoris sui in animam ipsius prestitum venerit quoquomodo et sub pena retrusionis in pristinam sentenciam et sepulture christiane eidem post mortem denegande quas penas procurator antedictus ante absolucionem et post ipso facto dictum Adam dominum suum incurrere voluit et consensit expresse si contra premissa aliqua attemptaret in hac parte Nos insuper predicti subdecanus et capitulum penam eidem Ade infligendam pro iniuriis et demeritis ipsius Ade hactenus in hac parte [] is et commissis contra dictam prebendam de Asgerby et ipsius libertates nobis specialiter reseruamus In cuius rei testimonium sigillum capituli nostri [] mus Acta sunt hec in capitulo nostro Linc[] iij idus Februarii anno domini mcc nonagesimo octavo