Charter Document - 02730395

Omnibus sancte matris ecclesie filiis hanc cartam visuris uel audituris Ricardus filius Hereberti de Neuport rector ecclesie de Faldingwrth[] salutem in domino sempiternam Nouerit vniuersitas uestra me diuine pietatis intuitu et pro salute anime mee antecessorum successorum benefactorum meorum et omnium fidelium defunctorum concessisse et presenti carta mea confirmasse deo et ecclesie beate Marie Linc[] cuius exaltacionem semper desideraui et decano et capitulo eiusdem ecclesie vij bouatas terre arabilis in campis Linc[] iacentes quarum una fuit predicti Hereberti patris mei cui successi que continet septemdecim acras et dimidiam perticatam cum duabus acris et una perticata in Langedales iacentibus que non sunt de illa bouata videlicet sub cliuo uersus Nouam terram iacent due acre et dimidia sub cliuo uersus Burton[] due acre et dimidia perticata in Nortfeld due acre et iij perticate et dimidia in Langedal[] tres perticate et quatuor acre in Estfeld tres acre et tres perticate et dimidia in Estgarthesende vna acre Secundam bouatam terre emi de Alicia de Bekering[] quondam vxore Petri de Bekering[] que continet quindecim acras terre quarum quinque perticate iacent sub cliuo uersus Nouam terram sub cliuo uersus Burton[] due acre et tres perticate in Nortfeld tres acre et vna perticata in Langedales cum Scortes et Esfargthesend[] tres acre et tres perticate in Estfeld quatuor acre Terciam bouatam emi de Albreda filia Roberti filii Martini que continet xvj acras et dimidiam quarum tres acre iacent sub cliuo uersus Nouam terram sub cliuo uersus Burton[] due acre in Northfeld due acre In Langedale tres perticate et dimidia in Estgarthesende tres acre et tres perticate et dimidia in Estfeld[] tres acre et tres perticate Quartam bouatam emi de Margeria filia Wigoti de Kam que continet quindecim acras et dimidiam et vnam perticatam quarum sex perticate iacent sub cliuo uersus Nouam terram sub cliuo uersus Burton[] quinque acre et vna perticata in Estfeld[] due acre et vna perticata et dimidia in Langedale et Estgarthend[] quinque acre in Nortfeld due acre De Jueta dicta Winter emi vij acras et dimidiam et dimidiam perticatam quarum quinque perticate iacent sub cliuo uersus Nouam terram sub cliuo versus Burton quinque perticate in Langedale et Estgard[] sex perticate in Nortfeld quinque perticate et dimidia in Estfeld[] due acre et vna perticata De Roberto filio Radulfi Cunning emi triginta et nouem acras et duas perticatas quarum vij acre iacent sub cliuo uersus Nouam terram sub cliuo uersus Burton[] due acre et due perticate in Langedale et Scortes vij acre et tres perticate in Nortfeld cum Scortes viij acre et tres perticate in Estfeld[] vndecim acre et dimidia in Estgard quatuor perticate et dimidia Quas quidem terras habui de dono et uendicione predictarum personarum prout earundem carte super hiis confecte plenius testantur Concessi etiam eisdem decano et capitulo et quieteclamaui omnia edificia tofta et domos sita tam in Neuport[] ciuitate Linc[] quam suburbio cum pratis pascuis pasturis libertatibus et omnibus asiamentis infra villam et extra ad me et heredes meos et ad dictas terras edificia tofta et domos quocunque iure pertinentibus vna cum redditibus undecunque prouenientibus ab predictis decano et capitulo plenarie inperpetuum percipiendis videlicet de uno tofto in Ballio Linc[] sito quod fuit quondam Jordani de Ballio viginti et septem solidis et viij denariis ad duos terminos anni scilicet ad Pasca xiij solidis et decem denariis et ad festum sancti Michaelis xiij solidis et decem denariis de tofto in Neuport[] quod fuit Angeri xij denariis predictis terminis de uno tofto in Sostancgate tribus solidis terminis predictis percipiendis de tofto in Sostancgat[] quod fuit Petronille v solidis eisdem terminis de uno tofto in parochia beati Johannis in Neuport[] sito x solidis eisdem terminis de quodam furno sito infra mansum in quo habitaui viij solidis eisdem terminis et de quadam terra iacente iuxta dictum mansum vij solidis Ius eciam et clamium quod ego et heredes mei habui uel habuimus racione dictarum terrarum edificiorum domorum et reddituum seu aliquo modo habere potero uel poterimus seu michi uel ipsis accrescere poterit in futurum dictarum terrarum edificiorum domorum quacunque occasione eisdem decano et capitulo sine aliquo retinemento concessi Tenenda et habend inperpetuum in liberam et perpetuam elemosinam libere quiete pacifice Ita quod dicti decanus et capitulum sustentabunt inperpetuum duos capellanos non vicarios in ecclesia Linc[] ad altare beati Egidii diuina celebrantes vbi sepulturam quam elegi dicti decanus et capitulum michi concesserunt inuenientes competenter alia diuinorum celebracioni neccessaria quorum unus pro anima mea specialiter et pro animabus antecessorum successorum benefactorum et omnium canonicorum Linc[] ecclesie et omnium fidelium defunctorum cum pleno seruicio defunctorum missam singulis diebus celebrabit et alius capellanus missam de beata Virgine cum oracione pro defunctis et memoria de omnibus sanctis inperpetuum celebrabit Ita quod vnus capellanorum erit maior altero secundum quod decanus et capitulum ordinabunt Quorum principalis capellanus recipiet annuatim duodecim marcas ad duos terminos videlicet ad festum sancti Michaelis sex marcas et sex marcas ad Pascha et prouidebit sibi de socio decano et capitulo presentando et ab eisdem si sit ydoneus admittendo et stabunt simul in una domo Uolo etiam quod dicti capellani gerant habitum vicariorum Linc[] ecclesie sequantur chorum cum eisdem et intersint omnibus horis canonicis et omni seruicio ecclesie Linc[] personaliter ut vicarii Sint etiam sub potestate cohercione iurisdiccione et proteccione decani et capituli predictorum et per eosdem in dicto ministerio exequendo preficiantur et si demeruerint destituantur Preterea decanus et capitulum obseruabunt anniuersarium meum singulis annis die obitus mei in ecclesia Linc[] dimidiam marcam inter canonicos ibidem residentes distribuendo Preterea uolo quod ecclesia beati Nicholai in Neuport[] ubi ego fui baptizatus et antecessorum meorum ossa requiescunt percipiat omnes decimas prediales de dictis terris non obstante aliqua ordinacione facta uel facienda a quocunque per quam possit dictarum decimarum percepcio impediri Faciendo annuatim pro dictis terris edificiis et domibus debitum seruicium capitalibus dominis videlicet pro bouata que fuit patris mei heredibus Gamel pelliparii tres clouhas gariofili ad festum beati Botulphi Pro bouata que fuit Alicie de Bekeringe eiusdem heredibus ad Natale domini vnum denarium et domino Johanni Maunsel qui est dominus feodi quinque solidos videlicet ad Pascha xxx denarios et ad festum beati Michaelis xxx denarios pro bouata que fuit Albrede predicte eiusdem heredibus vnam libram cimini ad festum beati Michaelis et domino feodi quinque solidos videlicet ad festum beati Michaelis duos solidos et ad Pascha duos solidos et ad Natale domini xij denarios Pro terra que fuit Juete Winter eiusdem heredibus unum denarium ad Natale domini domino Johanni Maunsel qui est dominus feodi ij solidos et vj denarios ad Natale domini Pro bouata que fuit Margerie predicte eiusdem heredibus dimidiam libram cimini ad festum beati Michaelis domino Johanni Maunsel qui est dominus feodi v solidos et iiij denarios scilicet ad festum beati Michaelis xxx et duos denarios et ad Pascha xxx et duos denarios Pro xxx et ix acris que fuerunt Roberti Cunning eiusdem heredibus ad Natale domini iij obolos et heredibus W de Kaunberlein de Burton[] qui sunt domini feodi decem solidos et vj denarios et tres quadrantes videlicet ad Penthecosten vij solidos et vj denarios et iij quadrantes et ad festum sancti Michaelis iij solidos Pro tofto in Ballio Linc[] quod fuit quondam Jordani de Ballio Ricardo filio eiusdem dimidiam marcam videlicet ad festum beati Michaelis xl denarios et ad Pascha xl denarios et domine feodi scilicet Petronille de Vaus tres solidos ad festum beati Johannis Baptiste Pro duobus toftis sitis in Neuport et manso in quo habitaui predictis decano et capitulo vij solidos et sex denarios videlicet tres solidos et ix denarios ad festum beati Michaelis et tres solidos et nouem denarios ad Pascha Pro terra iacente iuxta dictum mansum comiti Sarum xx denarios videlicet x denarios ad Pascha et x denarios ad festum beati Michaelis Pro tofto quod fuit patris mei domino regi ij denarios ad festum beati Michaelis Et ad maiorem securitatem tradidi dictis decano et capitulo omnes cartas quas habui a quocumque de dictis terris edificiis et domibus In cuius rei testimonium presenti carte sigillum meum apposui anno domini mcc quinquagesimo tercio mense Junii Hiis testibus dominis Thoma de Beaufou tunc maiore Linc[] Waltero Brand Willelmo de Paris Willelmo filio Egidii Johanne de Paris Johanne de Luda Roberto de Canuilla Gilberto de Ponte Willelmo Badde Henrico Cotty Ada de la Houme Johanne Bern Rogero filio Benedicti Johanne de solario ciuibus Linc [] et aliis